eL trAsgU d´aRecEs

Domingo, 19 de febrero de 2006

INTERNACIONALISTA DE SKAMA LA REDE ESCOYÍU MEYOR CANTAR N´ASTURIANU DEL 2005 POLOS LLECTORES D´ASTURIES.COM

Skama la Rede ye´l grupu ganador col cantar "Internacionalista" del Premiu Asturies.com al Meyor Cantar n'Asturianu 2005. Skama la Rede vien a xuntase al restu de ganadores d'esti Premiu, como Gatos del Fornu con "Brañas d'antañu" en 2003 y Skanda con "Sangre d'ochobre". Skama la Rede vivió en 2005 un añu mui movíu que vieno a rematar algamando esti Premiu Asturies.com al meyor cantar n'asturianu.

Skama la Rede afirmó tar mui contentu pol premiu yá que ye un premiu que da la xente. Los otros cantares que taben nominaos yeren el folk acústico de Corquiéu con "Llara" y les propuestes nueves de música folk con "Na Caleya" de La Bandina
El grupu yá en más de 1.000 copies vendies y tienen un bon númberu de conciertos pa esti branu, ente ellos tan percontentos por tornar a tocar en Getxo y tán pensando en sacar un nuevu discu pal 2007.

El cantar premiáu ye esti;

INTERNACIONALISTA

(Lletra: David Artime “Roxu”. Música: Skama La Rede)

Pela cai Uría vese venir
una gran marea humana
caleyando al ritmu que marca
una gaita asturiana.

Mil banderes de mil collores
ondeen al son del vientu nordés.
Milenta races de mil naciones
chumen culinos delantre’l Corte Inglés.

Ten cuidáu con esi fedayín
que sólo fuma roxu llibanés.
Nun-y deas ficha y fala con fidel
que de xuru que lleva papel.

Mira a esi kurdu escanciando un culín
con una camiseta d’Hô Chi Minh.
Los Sin Tierra dancen una capoeira
y Silvio Rodríguez toca na Escandalera.

Y un cartelu anuncia
a la entrada l’autopista:
"Güei Uviéu ye capital
internacionalista".

Ten cuidáu con esi castellels
que ta xubiendo a la catedral.
Arriba’l tou escolinga una pancarta:
"L’Asturianu llingua oficial".

Mira l’aurreskolari danzando un saltón
y a Labordeta faciendo botellón.
Corderu a la estaca asen los comuneros
y “Aida La Fuente” entonen los xornaleros.

Y milenta puños llevanten
el mástil d’una asturina.
D’Uviéu a Bagdag trema l’imperialismu.
Cuba, Irlanda, Palestina.

Y glayíos de lliberación
resuenen con gallardía.
España entera frayada en mil cachinos.
Asturies, Euskadi, Andalucía.

Y un cartelu anuncia
a la entrada l’autopista:
"Güei Uviéu ye capital
internacionalista".

Por: eL trAsgU d´aRecEs | Música | Comentarios (0) | Referencias (0)