eL trAsgU d´aRecEs

Domingo, 19 de febrero de 2006

MUI PRONTO VA ASOLEYASE EL PRIMER DICCIONARIU INGLÉS-ASTURIANU

Yá se tan faciendo les prebes d´imprenta d'una nueva ferramienta pal usu de la llingua asturiana. Esti ye un casu especial yá que trátase del primer diccionariu Inglés- Asturianu de la hestoria, amás de ser el primeru billingüe que nun seya asturianu-castellán. El diccionariu ye obra del polifacéticu Inaciu Galán, esti mozu xixonés ye presentador de radio y tv, animador cultural y estudiante de turismu. Lleva tres años na llabor de preparar les más de 13.000 entraes coles que cuenta´l diccionariu. La obra ye billingüe y cuenta col asesoramientu d´Ana Cano, presidenta de l´ALLA, el filólogu Xuan Santori y un nativu inglés. L´entamu del diccionariu va tar firmáu pola presidenta de l'Academia. L'autor piensa que la obra va ser una bona ferramienta pa dar a conocer la nuesa llingua fuera de les nueses llendes. El diccionariu va ser espublizáu por Trabe y contar con una subvención de la Conseyería de Cultura.

Por: eL trAsgU d´aRecEs | LLINGUA | Comentarios (0) | Referencias (0)