Acerca de
Búsqueda
Categorías
Archivos
Sindicación
Créditos
Diseñado por Studio.st
Online gracias a Bitacoras.com
Jueves, 23 de febrero de 2006
CONTINUAN LOS ATAQUES A LA LLINGUA Y LES MENTIRES DE LA FSA-PSOE
Fernando Lastra, portavoz del grupu socialista na Xunta Xeneral, afirmó que la posición de la FSA nun ye contradictoría al aprobar el PSOE en Madrid una llei que reconoz los esitos de la oficialidá de les llingües diferentes al castellán como ellementu de convivencia y riqueza, demientres la FSA sigui negando los derechos democráticos de los asturfalantes. El diputáu afirma que ye coherente reconocer a los idiomes oficiales y nun reconocer lo que nun los son, y qu´él sepa l´asturianu nun ye oficial nel Principáu. (esto lo que ye ye un enguedeyu que nun entiendes nin tú). Tamién tornó a afirmar que les llendes que pon el so partíu en matería de promoción llingüística tan mui perbaxu de la oficialidá.
Tamién tornó falar Migoya, la responsable de Cultura y por tantu de tolo relacionáu cola nuesa llingua. Nuna entrevista a la emisora xixonesa Canal 10 Migoya afirmó que la oficialidá ye una imposición, que les encuestes de Llera Ramos que dicen que más del 60% d´asturianos tán a favor de la oficialidá nun tán bien feches intentando tirar pel suelu tol prestixu de Llera, qu´amás ye militante del PSE. El caderalgu de Ciencies Polítiques de la UPV yá avisó a la Conseyera que nes encuestes sociollingüístiques feches por él entrugábase a la población sobre la oficialidá y más d'un 60% respondió sí, y eso nun ye manipulable. Fai muncho tiempu que la FSA quedo ensin argumentos pa contra la oficialidá, pa ello intentan despretixar hasta a los suyos y agora ocurrise-yos la idega de la imposición, pa mete-y a la xente´l mieu nel cuerpu.
Demientres el presidente de la RAE, Victor García de la Concha, inoró cualesquier referencia a l´asturianu nun discursu na Universidá de Salamanca. El presidente de la RAE, que pola contra ye asturianu, faló de los valores del billingüismu y condeno les situaciones de diglosia, pero namás que faló de les cuatro llingües oficiales del Estáu. De la Concha falo de que les comunidaes con llingua propia tienen de facer una apuesta pol billingüismu yá qu´ello ye una riqueza pa toos. Pero'l filólogu maliayu nun fizo nenguna referencia pal casu asturianu.
Por: eL trAsgU d´aRecEs | Babayaes de la FSA | Comentarios (1) | Referencias (0)
Comentarios
**Tamién tornó falar Migoya,la responsable de Cultura y por tantu de tolo relacionáu cola nuesa llingua. Nuna entrevista a la emisora xixonesa Canal 10 Migoya afirmó que la oficialidá ye una imposición**
Si eso ye una Conseyera de la Cultura más nos val pesllar Asturies ya colar, porque tantes babayaes nun puen atropase nuna frase.Debe ser la Conseyera de Cultura del Gobiernu Español o la de Castiella La Mancha.
Lo que ye imposición ye la del castellán,y yá van pa 7 sieglos.....Pero entovía nun acabó d'afoganos dafechu...
Igual pa ella ye imposición porque nun la fala nin magar que s'enfile nuna boda.
A estos dába-yos yo un mes de solo ofiicialidá del asturianu:TV,radio,periódicos,too,..,ya saldríen colo de facistes,batasunos,España se rompe, la unidá d'España ya toes eses babayaes.... entós sí que se sofitarien nos sos derechos humanos que tan torgándonos día sí ya día tamién a los asturianos que non nos espresamos en castellán.
Xicu | 08-05-2006 01:37:31
Comentar
