eL trAsgU d´aRecEs

Martes, 14 de marzo de 2006

L´EUROBARÓMETRO ESCAEZ LA ESISTENCIA DEL ASTURIANU

L´asturianu torna a ser otra vegada la llingua más marxinada del estáu y una de les más escaecies nel ámbitu europeo. El caberu informe del Eurobarómetro de la Comisión Europea nomáu “Los europeos y les sos llingües” niega la esistencia de la llingua asturiana y afita que´l 89% de la población del estáu tien como llingua materna´l castellán. L´informe incluye por primer vegada la llingua gallega, escaecida como l´asturianu hasta´l momentu. L´informe diz que nueve de cada diez ciudadanos tienen como primer llingua'l castellán, un 9% fala catalán (o valencianu, mallorquí o como se quiera nomar) un 5% esprésase en gallegu y un 1% lo fai n´euskara. L´Eurobárometro encamienta a que nun futuru los ciudadanos de la Unión puean falar la so llingua materna amás d´otra polo menos.

Por: eL trAsgU d´aRecEs | LLINGUA | Comentarios (0) | Referencias (0)