Acerca de
Búsqueda
Categorías
Archivos
Sindicación
Créditos
Diseñado por Studio.st
Online gracias a Bitacoras.com
Lunes, 20 de marzo de 2006
QUEIXÚMENE DEL ESBA
Rigu Esba, rigu Esba,
L'augua túa nun ya pouca,
Peru tú cuasí nun cantas,
Ya la voz traisla bien rouca!
"Anque you nun sou de llonxe
Rendíu ya afanandu vengu,
Que fay xa sieglus que corru
Ya encima gran pena tengu"
Duelme el ver que la tierrina
Se fay cada vez mas mala,
Ya de las mis mocedades
Nu-i queda güey nin la fala
Días lus días de entoncies!
Homes lus homes d'antanu!
Falaxe el que ellus falaban,
Todu dafeitu asturianu!
Güey que cruciu estrañu suelu
Mueiru de malencolías:
Au tan lus mieus asturianus?
Au tan las Esturias mías?
L'augüina mía chorosa
En sin gracia pa cantare,
Vei triste ya amargurida
Cumu'l corazón del mare!...
Asina respondeu l'Esba
Cun un queixúmene fondu:
Ya you quedeime chorandu
Ya inda nun chorei abondu!
Fernán-Coronas, el padre Galo (1884-1936)
"Principe de les lletres asturianes"
Por: eL trAsgU d´aRecEs | Lliteratura | Comentarios (1) | Referencias (0)
Comentarios
De Miranda a Llubarca/de riu Nabia a riu Nalón/
Viva la fala gloriosa/ del gran Reinu de Lliyón.
Pos sí chachos estu tamién ye de P. Galo, cumu vedes él sabíe qe la llingua llïonesa, l´esturianu oucidental ya´l mirandês son dialeutos dafeichu asemeyaos, ye´l grupu oucicental del romance astur-llionés.
Soutru día en llionés, dixiste cousas de preciu, mui bien emprencipiaras/ a usare´l falax de nuesu//
Mas agora tas arrepentíu/ de falare asina en branneiru/ a min que me puxa la groria,/ an sere vaqueirín d´afeitu.
Ye una carta na qu´animara a Cienfuegos a escrevir Rimas en Astur-Leonés, que fai poucu espublizóu la ALLA na súa riestra de "Cartafueyos de lliteratura escaecida".
Outros escritores desta dómina fonun los llïoneses: el maragatu Dantín los cabreireses harmanos Cabrera,el bercianu José Aragón y Escacena, los cepedanos Caitanu A. Bardón, Emiliu Bardón Sabugo...ya dispués Cesar Morán Bardón y Wenceslao Bardón, a y l´estorganu A. Garrote.
La llingua en Llión tien tradición escrita cuasi continua dende´l fines del sieglu XIX ata guei cun Emilce Nuñez, González-Quevedo ou Xepe Vega pur eixeplu. Asina que bona gana de chamanos fantasiosos ou dicire que nun se fala ou que el llïonés ye un inventu de cuatru nacionalistas.
Zurriellu | 19-12-2008 00:57:19
Comentar
