eL trAsgU d´aRecEs

Viernes, 31 de marzo de 2006

LA LLABOR DE LOS SERVICIOS DE NORMALIZACIÓN

El serviciu de normalización llingüística del conceyu de L.lena ta poniendo en marcha una campaña de normalización nel comercio local dotada de 2.000 euros. La campaña ta fecha en comuña cola colaboración de los demás conceyos qu´integren la rede de normalización llingüística (Xixón, Siero y Cabu Peñes). La campaña intenta afalar l´usu del asturianu nes relaciones colos comerciantes. Los materiales que se van distribuir ente los comerciantes son cinco trípticos dedicaos a pescaos, fruta y verdures; carne y embutíos; pa, lleche y derivaos;y l´últimu dedicáu a la ropa, amás d´otros soportes pa facer más visible l´asturianu ente la xente del conceyu.

Per otru llau l´asociación de trabayadores de la normalización llingüística emitió un comunicáu a la prensa pa dar a conocer la so situación. L´asociación quexóse de qu´Avilés, Sanmartín del Rei Aurelio, Llangréu y Mieres yá nun cunten con servicios de normalización por culpa de la dexadez de la conseyería de cultura, otra de les quexes ye la falta de seriedá y rigor pa la selección de trabayadores, tamién se quexe de que los conceyos nun quieren saber lo que ye la normalización llingüística. Según l´asociación los servicios tan desmontándose adulces y dependen totalmente de les sovenciones.

Por: eL trAsgU d´aRecEs | LLINGUA | Comentarios (0) | Referencias (0)