eL trAsgU d´aRecEs

Viernes, 31 de marzo de 2006

LA LLINGUA ARAGONESA Y LA SO LLUCHA POR UN ESTANDAR SUPRADIALECTAL

La plataforma pola defensa de la llingua aragonesa Chuntos por l´aragonés lleva dende fai selmanes pañando firmes nun manifiestu pola xunidá del aragonés, yá que fai tiempu dalgunos sectores aragonesistes nun tán d´alcuerdu col procesu d´estandarización de la fabla, el máximu exemplu ye la Societat de Llingüísica Aragonesa creada fai años y que postula pola tercer vía; la creación y protección de varios subestándares.
El manifiestu puxa por un modelu común pa toles variedaes del idioma como pasu pa salvar la llingua. Hasta´l momentu más de venti conceyos, la diputación de Zaragoza y otres entidaes polítiques, sociales y culturales sofiten el manifiestu. Tamién vase intentar crear una institución qu´actué como autoridá normativa, una especie d´academia de la llingua que ñaciera por iniciativa privada, como foi´l casu gallegu; l´academia ñació como institución privada y cola llegada d autogobiernu diose-yos el poder pa normativizar el gallegu.
Anguaño falen aragonés unes 12.000 persones y 40.000 conócenla y úsanla davezu. Les iniciatives pa normativizar l´aragonés entamaron nos setenta. En 1974 celebróse una reunión histórica na que s´alcordar les normes básiques que dempués s´aprebaron nel congresu de Huesca del 87.

Por: eL trAsgU d´aRecEs | Otros pueblos, mesma llucha | Comentarios (0) | Referencias (0)