eL trAsgU d´aRecEs

Viernes, 31 de marzo de 2006

XIXÓN COLOS SOS NOMES ENDERECHAOS

El Conceyu de Xixón yá aprebó´l so espediente toponímicu ellaboráu pola Xunta de Toponimia del Principáu, esti ye un de los más pormenorizaos de tolos fechos hasta´l momentu, amás de ser el primeru de les tres ciudaes d´Asturies y nel que más participación ciudadana hebo. A la fin parroquies como Xové o Ciares recuperarán el so nome xunto al total de venti parroquies rurales y los seis distritos urbanos del conceyu. La mayor parte de les asociaciones vecinales piden que se mantenga la denominación billingüe. Les opiniones s´estremen dende la defensa del topónimu Cimavilla pola asociación de veinos d´esti barriu hasta la oposición total como ye nel casu de L´Arena. Sicasí la voz más común ye pidir el caltenimientu de la denominación billingüe menos nos nomes de llugar menores.
Agora queda que la toponimia xixonesa seya aprebada pol gobiernu que lleva dende xineru ensin aprebar dengún espediente a pesar de tener abondos enriba la mesa, como´l d´Ayer, polo que´l conceyu lleva esperando selmanes pa entamar a enderechar la toponimia nos lletreros. Estes tardances provocaron yá les quexes del responsable de política llingüística del Principáu Ramón d´Andrés.

Por: eL trAsgU d´aRecEs | LLINGUA | Comentarios (0) | Referencias (0)