eL trAsgU d´aRecEs

Sábado, 01 de abril de 2006

L´ALLA DIZ QUE SON LOS PARTIOS PARLAMENTARIOS QUIEN TIENEN QU´ESCOYER EL MODELU D´OFICIALIDÁ

L'Academia de la Llingua Asturiana dio nuncia del resultáu de la propuesta de consensu pa salvar la llingua asturiana presentada nel pasáu día de les lletres y de la situación actual tres aconceyase coles organizaciones polítiques y sociales d´Asturies. L'Academia emplaza a los grupos políticos presentes na Xunta Xeneral a que seyan ellos los qu'escueyan el modelu de redacción del artículu onde se reconoza la oficialidá nel nuevu Estatutu. Según l´Academia la redacción tendría que ser la que más s'axuste a les condiciones sociolóxiques del país y que seyan los partíos parlamentarios los que digan hasta ónde quieren llegar coles midíes normalizadores, a qué ritmu y con qué fases y arriendes d'ello a que pongan techu a la dotación presupuestaria pa facer efeutiva la normalización y que too ello lo faigan velando siempre pa que se llogre l'aceutación social y política de les midíes normalizadotes. L´Academia dixo que la so propuesta yera moderada y critico les fuerces polítiques que n'Asturies nieguen la posibilidá de reconocer la cooficialidá y defenden nel Congresu de los Diputaos de Madrid iniciatives parlamentaries pa pidi-y al Gobiernu qu'afale la diversidá idiomática del estáu, en clara alusión a la proposición non de llei presentada pol PSOE nel Congresu na que se dicía que la oficialización de les diverses llingües del estáu contribuía a fomentar la convivencia llingüística. Pala Academia la oficialidá tien que desendolcarse a traviés d´una llei de normalización.

Por: eL trAsgU d´aRecEs | LLINGUA | Comentarios (0) | Referencias (0)