eL trAsgU d´aRecEs

Sábado, 01 de abril de 2006

LA CONFEDERAIÓN DE SINDICATOS DE TRABAYADORES DE LA ENSEÑANZA PIDE LA OFICIALIDÁ

La Confederación de Sindicatos de Trabayadores de la Enseñanza-intersindical, organización na que ta´l sindicatu asturianu SUATEA, aprebó una resolución nel so últimu congreso e Madrid denunciando la situacón llingüística na que se topa´l nuesu país y pide la oficialidá, esta resolución foi aprobada por unanimidá. Nel documentu falábase de qu´Asturies vive nuna situación de billingüismu desequillibráu, na que los derechos llingüísticos de la población que fala asturianu nun tán llegalmente reconocíos, lo que lleva a una minorización social y a una perda xeneracional d´esta llingua, incumpliéndose n´Asturies l´artículu 3 de la Constitución y afirma qu´esta situación inxusta nun pue allargase por más tiempo y que se necesita´l marcu llegal pa poder vivir tanto n´asturianu como en castellán, que´l marcu actual nun ye insuficiente y afita la necesidá inexcusable de la oficialidá.

Por: eL trAsgU d´aRecEs | Llucha | Comentarios (0) | Referencias (0)