eL trAsgU d´aRecEs

Sábado, 15 de abril de 2006

YÁ TÁN PREPARAOS TOLOS ACTOS DE LA SELMANA DE LES LLETRES

Los colectivos que van participar activamente nos actos del día grande de la nuesa llingua que va tener llugar el primer vienres de marzu como ye tradicional. L´ALLA va celebrar el que ye ensin dubia l´actu central d´esi día nel Teatru Filarmónica d´Uviéu, y non nel Campoamor como ye vezu. Esi día l´academia celebra la so Xunta estraordinaria abierta a tola xente, col tradicional discursu de la presidenta, intre aguardáu por tolos asturianistes, onde faise un repasu pola situación de la llingua y esti añu ye d´esperar que l´ALLA de nuncia na boca d´Ana Cano de les aiciones que va realizar la institución ante´l procesu de reforma que va abrise esti añu, de xuru que la presidenta falara de cómo se topen les conversaciones polítiques sobre´l so “Alcuerdu social y políticu pa salvar la llingua asturiana” anunciáu nel pasáu día de les lletres y que quedo pa prau al nun aceptar la FSA el primer puntu; la oficialidá. Tamién fadrase la tradicional acoyida d´un nuevu académicu. Esti añu l´agraciáu va ser l´escritor eonaviegu Manuel García Galano como académicu d´honor. L´ALLA quier reconocer asina l´asturianidá de les tierres, les xentes y sobremanera la fala eonaviega ante´l continuo acosu del otru llau del Eo. L'actu entamara a les 8 col gaiteru Iñaki Sánchez Santianes y cantante de tonada Bibiana Sánchez García y va pesllase col grupu DRD. L´academia encamienta un añu más a acudir col traxe del país p´asitiar la vestimenta tradicional asturiana nel llugar que merez.

Demientres la conseyería de Cultura llevara a cabu un programa paralelu qu´entamara´l 28 d´abril y finara´l 7 de marzu, aprovechai que´l restu del añu nun va haber más. La Conseyería de la mega-super-defensora del asturianu (que yá dixo que lo falaba en casa pero que d´oficialidá ná de ná, qu´eso ye imponelo, a ver si dalgún día, que nun seya na presentación de la selmana de les lletres confúndese y escápase-y l´asturianu que diz falar en casa) Ana Rosa Migoya, dempués d´Areces ye a la que más ciñu-y tengo. El primer actu va ser el día 28 cola presentación del llibru "En tables. Un teatru pal sieglu XXI" de Dolfo Camilo Díaz, a les 12 del mediudía na biblioteca d´Uviéu. A les 8 de la tarde en Grau va haber un espectáculu políticu que va xuntar la poesía en llingua asturiana y catalana baxo´l nome de “Voces Paraleles”. Al día siguiente será la presentación oficial de la selmana nel Campus del Milán cola presentación de les xornaes de teatru “Universidá n´escena” que llevara´l nuesu teatru por tol país, entamando pola primer obra d´esti xéneru na nuesa llingua “L´ensalmador” de Marirregera. Les obres abarquen tolos xéneros dende´l costumismu a les nueves composiciones, pasando poles adaptaciones de clásicos na nuesa llingua y obres na fala eonaviega. Tamién habrá un ciclu de conferencies sobre teatru nel Salón de Conferencies del Campus del Milán entamaes pol Seminariu de Filoloxía. Tamién se van presentar obres audiovisuales como'l DVD "Pieces, d'obres teatrales y poétiques" de Javier Maqua y Ramón Lluis Bande o la obra "Del Chigre" del monologuista Carlos Alba Cellero. Ye de recordar que´l vienres “Día del llibru y del discu n´asturianu” nes llibreríes que collaboren tolos productos na nuesa llingua cuntarán cun descuentu del 10%-.

Demientres los actos paralelos d´una selmana onde llingua y reivindicación van más de la mano que nunca, el 29 d´Abril nel Campu d´Humanidaes d´Uviéu celebraráse´l tradicional “Conciertu pola Oficialidá” organizáu pola Xunta pola Defensa de la Llingua Asturiana qu´esti añu cuntar coles actuaciones de Dixebra, Skama la Rede, Oi! N’Ast, K-Nalón, DRD, Corquiéu, Toli Morilla y La Col.la Propinde. El conciertu entamara a les 7 y les entraes valdrán 5 euros en taquiella y 4 anticipada. El conciertu tendrá dos escenarios y una carpa y les entraes van poder mercase n’Uviéu (La Casa Posafuelles, Isala de Cuba y Chigre La Deva), Avilés (El Cafetón), Xixón (Café Trisquel, el Baruku y Sestaferia), Candás (La Gueta), Grau (L’Ablugo), Salas (Bar Abel), Tinéu (Mesón Cervantes), Cangas del narcea (El Moreno), La Puela Allande (Café Centro), Llaviana (El Riscar), La Fuelguera (Llar de keko), Mieres (La Buraka), La Pola L.lena (La Xarrina), L’Entregu (Reciella Mallory), La Pola Siero (El Diañu) y Nava (La Posta). Tovía nun tengo denguna noticia sobre la manifestación del día de les lletres, pero ye de suponer que como tolos años será a les 7 y entamara na Estación del Norte d´Uviéu. Vémonos ellí, nun faltéis que paso llista.
TOOS A GLAYAR L´ASTURIANU LLINGUA OFICIAL!!!

Por: eL trAsgU d´aRecEs | LLINGUA | Comentarios (0) | Referencias (0)