eL trAsgU d´aRecEs

Viernes, 28 de abril de 2006

ENTAMA LA SELMANA DE LES LLETRES

Los actos de la selmana de les lletres entamaron yá. Güei en Grau van facer un espectáculu a comuña ente poetes asturianos y catalanes, amás Dolfo Camilo Diaz presento pola mañana´l so nuevu llibru sobre´l teatru asturianu. Pero amás de los actos oficiales va haber munches actividaes pa homenaxear a la llingua propia de los asturianos, sobremanera palos escolinos que la deprenden nos colexos. Por exemplu en Xixón diez escueles van facer en comuña la XI edición de les Xornaes de Llingua y Cultura Asturiana pa celebrar la selmana de les lletres. Nestes xornaes más de 2.000 escolinos van participar en talleres de cocina y vistimenta tradicional. Tamién van entregase los premios del concursu de carteles, poemes y testos ilustraos María Teresa González, amás de poder ver un conciertu de Xentiquina. Les diez escueles que formen parte d'esta iniciativa son l'Atalía, Xove, Tremañes, Martínez Torner, Cervantes, García Lorca, Montiana, Principe de Asturias, Santa Olaya, Lloréu y Martínez Torner. Amás el prósimu martes a les 10 entama la III Xunta d´Escolinos n´Avilés que va reunir a 1.100 escolinos de veinte centros nel teatru Palacio Valdés. Pola mañana va ser l´actu pa primaria y pel medíudía pa secundaria. Los escolinos podrán disfrutar d´un prestosu programa con dellos actos como teatru y música.

Ye una selmana onde la llingua algama el llugar que-y correspuende na sociedá asturiano, ¿pero y el restu del añu?. Pa que l´asturianu asitiese onde merez nada meyor que acudir a tolos actos, sobre too nun falteis al conciertu pola oficialidá del sábadu y la mani del vienres pa esixir los nuesos drechos. ¡¡¡L´ASTURIANU LLINGUA OFICIAL!!!

Por: eL trAsgU d´aRecEs | LLINGUA | Comentarios (0) | Referencias (0)