eL trAsgU d´aRecEs

Viernes, 28 de abril de 2006

Polémica ente Ibarra y Quintana pola fala de trés conceyos extremeños

Na iniciativa presentada pol BNG observábase qu'unes 80000 persones son falantes de gallego ente Asturies y Castiella y Lleón, amás de les trés localidaes cacereñes

Redacción

Una iniciativa parllamentaria anunciada'l pasáu sábadu pol diputáu del BNG Bieito Lobeira pa promover l'usu del gallegu nos conceyos extremeños d'Eljas, Valverde del Fresno y San Martín de Trevejo, acabó nuna cruda polémica ente los Gobiernos extremeños y gallegu por 'ataques personales' y por volver 'un alderique políticu ente'l BNG y la Xunta d'Extremadura nun conflictu institucional'.

La fala d'estos trés municipios cacereños fue defendida pol Executivu de Mérida non como gallego, sinón como 'un dialectu deriváu del troncu común del galaicoportugués', poro tachó la reivindicación del BNG de 'fantasiosa premisa sobre la que se sienta'l deliriu imperialista de los nacionalistes gallegos'. Tres d'esta reacción, el cruce d'acusaciones y d'ataques personales ente los llíderes d'entrambos Gobiernos nun se fizo esperar, si bien agora parez quedar apaciguáu, depués d'una última carta per parte del vicepresidente del Gobiernu extremeñu y de les declaraciones d'Anxo Quintana qu'ayeri daba por zarráu esti conflictu.

Preguntada por esta polémica, Ana Cano, presidenta de l'Academia de la Llingua Asturiana, entiende 'xustificada la reacción del Gobiernu extremeñu porque nun tien dengún sentíu l'afán expansionista del Bloque yá que'l dialectu vien d'una zona de transición'. Dialectu que yá fuere analizáu nun artículu qu'espublizaba nel añu 1982 la revista 'Lletres Asturianes' de la mano Antonio Viudas Camarasa, profesor de Cáceres, nel qu'aseguraba qu'esa fala yera un dialectu que, teniendo personalidá propia, participaba de los rasgos del mañego, del gallego-portugués y del asturianu-lleonés occidental.

26/04/2006 ASTURNEWS

Por: eL trAsgU d´aRecEs | Gallegaes | Comentarios (0) | Referencias (0)