eL trAsgU d´aRecEs

Lunes, 08 de mayo de 2006

LA TPA, L´ASTURIANU Y "PIECES" (O COMO APIGAZANOS)

Ente los asientos enllenos del Filarmonica pue ver una cámara de la TPA, ¿ye que va emitir proximamente l´actu?. Nun Panorama Regional que me grabo mio má, pa que viera por una vez al añu, que nun fai dañu, a los políticos falando n´asturianu, en delles noticies pe ver los micros de l´asturiana, ¿daquién sabe cuando entama a emitir?. Na so páxina web onde se pue ver un mapa conceyu a conceyu sobre la cobertura de la TPA aína hai pueblos onde naide pue ver tovía la so señal, nel mapa amás nun se respeta la toponimia nin nos conceyos, pocos, onde la toponimia yá ta oficializada. Tovía nun se sabe nada de la presencia del asturianu na TV. Na presentación del DVD “Pieces” Ornia, pa nun falar d´esti tema, afito que l´autonómica potenciaría l´audiovisual asturianu y los nuevos llinguaxes cinematográficos, pero nada de la presencia de la llingua. Y ye que n´esi DVD yo nun sé si ye un nuevu llinguaxe cinematográficu o ye pa velo y que t´entre´l suañu profundo, el curtiu de Ramón Lluis Bande tovía nun lo termine de ver y foron tres intentos. L'otru curtiu de Javier Maqua y la serie Cinco Poemes tan más o menos bien, menos el capítulu “Una Casa” (xenial poema de Berta Piñán y xenial la transformación de José Braña d´eses pallabres en imáxenes). La verdá que faise abondo pesáu y si la llingua tuviere un bon sitiu nel cine y na tv nun habría muncho más que dicir, pero como nun la tien ye una pena que daqué que se fai haya que ser polo menos intelectual pa velo. Si la presencia n´autonómica fora normal podría facese cualesquier programa, pero como nun lu ye deseyu que nun tean pensando en facer una versión de Redes n´asturianu y un programa de monólogos costumbristes, ye nidiu qu'esto se pue facer n´asturianu, pero de dos programes que va haber esperemos que nin tantu nin tan pocu. Ver el curtiu de Bande, que por riba ye de lo poco que van emitir n´asturianu na TPA, ye pa manifestase col llema de “Nun queremos más programación n´asturianu”. Torno repetir qu n´asturianu pue facese y tien que facese de too na RTPA, pero como nun va llegar nin al 25 %, siendo “posibilista”, tien que facese una programación qu´ensin dexar de llau la calidá puea ver un púbicu mayoritariu; alderiques, musicales, culturales (cine, llibros, nueves tendencies…), series, películes doblaes o subtitulaes n´asturianu, dibuxos animaos (pernecesariu), informativos… Pa daqué audiovisual que faen dende´l gobiernu n´asturianu nun pue ser tan de “nuevu llinguaxe cinematográficu”, o igual yera pa emitir en Cine de Barrio y yo soi mui fato, hai que facer daqué que-y preste al públicu, esperemos que nun usen esta táutica o emitan los programas n´asturianu a les 2 de la mañana pa dicir que la xente nun ve programes n´asturianu asina que nun se van facer más. Menos mal que pa consiguir el DVD merque'l nuevu CD d´Anabel Santiago, que voz que forma d'averar la tonada a tolos estilos, si dientro de 100 años queden cantantes de tonada habrá qu'agradeceilu a ella, ye la ponte ente la tonada y la mocedá, cenciellamente xenial.

Por: eL trAsgU d´aRecEs | TeleTini | Comentarios (1) | Referencias (0)