eL trAsgU d´aRecEs

Lunes, 08 de mayo de 2006

ORBAYU; la pallabra más guapa de la nuesa llingua

Manifestación pola ofocialidá na qu´orbayaba abondo

Orbayar; v. Llover agua menudo. sin. Barbuzar, barruzar, l.loviscar, orpinar. var. orbachar. fam. Orballada, orbayáu-ada-ao, orbayu // Entamó a orbayar y estropió la fiesta.

Orbayu; n. Aición y efeutu d´orbayar. sin. Orpín // Los que nun son asturianos piensen que l´orbayu nun mueya.

ORBAYU, esta ye la pallabra más guapa de la nuesa llingua con un total de 3 votos de 28, siguin-y con dos votos facendera o facendeira, señaldá, afayar o afayaizu y melguera. Nun se pue escaecer la variedá de pallabres qu´unviasteis yá que la ganadora solu tien tres votos, lo que fai ver l guapa que ye la nuesa llingua y la riestra de pallabres que tien pa espresar cualesquier sentimientu. Nel Comercio la pallabra más votada foi señaldá anque diz qu´orbayu tamién foi pervotada. L'actu de reivindicación llingüística que ficimos munchos mandando la pallabra oficialidá, pallabra tamién escoyida por Ana Cano al entrugái´l diariu, tuvo un sofitu pergrande según el periódicu y na contraportada d´ayeri podía lleese “dalgunos de los que votaron por ella amestaron mensaxe al so llau. `Por necesidá´, foi un de los más nidios”. Ensin más, gracies pola vuesa participación y siguir dexando los vueses opiniones sobre tolo que vos pruya, salú del trasgu d´Areces.

Por: eL trAsgU d´aRecEs | LLINGUA | Comentarios (1) | Referencias (0)