eL trAsgU d´aRecEs

Domingo, 14 de mayo de 2006

L'aire més transparén, a flor més rara

A muerte te prolargo, te dilato...
Idioma milenario. Blanga nieu
que se regala en l'alto Perineu.
Urmo negro de trallo religato.

Á la fin més perdié que'n he trobato.
A bita (que, en durando, ye tan breu)
da las bocadas... Como un nuebo Orfeu,
yo canto chustamén o que tresbato:

L'aire més trasparén, a flor més rara.
A copa que en a mía man debanto.
O chirumen, o peltro, a zitara.

A luenga que o mío canto dize.
L'azento, l'idioma en o que canto.
Os labios fuyidizos d'Euridize!

Do poeta aragonês Chusé Inazio Nabarro in Sonetos d'amor e guambra, Uesca, 2001

Por: eL trAsgU d´aRecEs | Lliteratura | Comentarios (0) | Referencias (0)