Acerca de
Búsqueda
Categorías
Archivos
Sindicación
Créditos
Diseñado por Studio.st
Online gracias a Bitacoras.com
Lunes, 15 de mayo de 2006
QUE L´ALCALDE D´AVILÉS S´ENTERE
Paez que dexa muncho tiempu llibre ser l´alcalde de la tercer ciudá en cantidá de población del país porque l´alcalde d´Avilés agora tien un blog onde escribayar lo que-y peta. Nun falaría equí d´esto pa da-y promoción si non fora porque-y podemos dexar los nuesos mensaxes. Asina que yera bono qu´entemáramos a mandar mensaxes pidiendo la oficialidá, recordái qu´esti "políticu" dixo que pidir la oficialidá yera forzar sentimientos na sociedá asturiana. Pa que nun mos tomen pol pitu´l serenu yera bono que dexáramos los insultos a un llau y diéramos argumentos; lo del RIDEA, la non-presencia de l´asturianu na RTPA, l´incumplimientu de la llei d´usu y el plan de normalización, los escolinos que nun-yos dexen matriculase n´asturianu... Si entamamos el mensaxe diciendo que ye un fíu de puta de xuru qu´esbóriennos los mensaxes en cinco minutos. La verdá ye que yo mande un mensaxe´l sábadu y sigui ehí, de momentu, a ver que faen cuando haya más d´un. Yá ta bien de falar d´imposiciones y de que non hai demanda social, que la sociedá asturianu pue ver la fuerte demanda haza la oficialidá.
Recordái; http://aviles.cuadernosciudadanos.net/santiagorodriguezvega
Por: eL trAsgU d´aRecEs | Llucha | Comentarios (1) | Referencias (0)
Comentarios
De momentu hai unos 8 mensaxes esixendo la proteición del asturianu nel conceyu d´Avilés, dalgunos yá salieron col tema de la imposición y falando de democracia, dalgunos hasta utilizaron pallabres de Gustavo Bueno, manda güevos. Tamién dicir qu´hai dalgunos mensaxes que tan escritos n´asturianu (o amestao) ensin falar de reivindicación llingüística, paez que polo menos la xente va perdiendo la diglosia y entama a escribir como fala. A ver si siguimos y polo menos pónense coloraos cuando falen de que nun hai demanda social. Salú
el trasgu d´Areces | 16-05-2006 22:09:23
Comentar
