eL trAsgU d´aRecEs

Domingo, 21 de mayo de 2006

PIQUERO QUIER SALIR DE "LA CASONA DE LOS BABLISTES"

Piquero quier salir de la “La Casona de los Bablistes” y animó a la xente a que lu votara. Nel nuesu confesionariu, que nesti programa ta asitiáu na cuadra de les xates, ayeri Piquero dio nuncia de que si nun lu elimina la xente que´l mesmu tomara la decisión de salir el próximu xueves. Que nun pue más, qu'acabose-y la batería del portátil y nel horru nun hai onde enchufalu , y asina nun se pue vivir, ensin metese pelos foros asturianistes y dexando les sos perinteresantísimes opiniones na seición d´opinión d´Asturnews, qu´haber que ta poniendo Prospero Morán y él ensin poder retrucar. Piquero tamién quexóse del so equipu. Según él Xuan Bello ye un finolis que diz qu´una mente intelectual como la suya nun pue manchase les manes coles llechugues de la güerta. Piquero diz que Bello pasa tol día escribiendo les sos pensamientos y reflexones y que por riba como nun tienen fueyes gasta tolos rollos de papel hixénicu y dempués tienen qu´usar les llechugues y nun queden pa comer. Les pallabres de Piquero dirixéronse a tolos participantes del equipu del horru, según él Valledor y Palacios tan tol día nel confesionariu espotricando ún del otru, que´l confesionariu ye mui vieyu y tien furacos y oyólu él l´otru día que taba per ehí llimpiando patates pa la comida. La dirección llogro sacái a Piquero la so opinión sobre Ramón d´Andrés, una vegada fecho esto les crítiques de Piquero dirixéronse hasta pal programa. Según él, Ramón d´Andrés ye´l preferíu del programa porque tá incumpliendo les normes y tá obsesionáu colo que faen o dexen de facer los vaqueiros. Esti confesó que d´Andrés namás almorzar sube toles mañanes a la braña de los vaqueiros pa ver que se cuez per ellí y eso ye incumplir les normes del programa. La direición del programa ta investigando les acusaciones de Ramón d´Andrés enantes de sancionalu, yá que ye nidiu la que se pue montar cuando Ramonín s´entere del chivatazu de Piquero. Les tensiones nel equipu aldeanu aumenten cada día. Recordái que les vueses opiniones decidirán quien tien que dexar l´horru; Piquero o Palacios, y que podéis siguir votando hasta´l próximu xueves. La decisión tá nes vueses manes.

Por: eL trAsgU d´aRecEs | La Casona de los Bablistes | Comentarios (1) | Referencias (0)