eL trAsgU d´aRecEs

Lunes, 29 de mayo de 2006

RAFA PALACIOS ELIMINÁU DE LA CASONA DE LOS BABLISTES

L´espulsáu d´esta selmana

Les vueses votaciones decidieron, bono más bien la única votación qu´a ver si vos animáis y votáis más, y a la fin quien tien que dexar l´horru y l´equipu d´aldeanos ye Rafa Palacios. La decisión foi recibida con llarimes polos compañeros, sobremanera por Valledor que visiblemente dolíu glayo mientres l´espulsáu salía del horru “Rafina sabes que siempre te quixi”, a lo que Palacios respondió-y “T´esperare fuera, seréte siempre fiel Paquín”, que ye como esti noma cariñosamente a Francisco Javier Valledor.

Los problemes que foron surdiendo nel equipu aldeanu como la decisión de Piquero de salir anque nun fora elimináu pol públicu, foi iguada pol programa permitiendo-y al concursante una hora d´internet al día, asina que Piquero siguirá con nosotros. Tamién pudimos comprobar que les acusaciones de Piquero yeren ciertes y que Ramón d´Andrés sube toles mañanes a xixilar que faen los vaqueiros, asina que decidióse que como penalización esti nun podrá tornar a ser nomáu capitán de so equipu.

Esta selmana los dos equipos escoyeron como capitanes a García Arias polos vaqueiros y Xuan Bello por parte de los aldeanos. La tensión ente los dos podía palpase mientres Sonia Avellaneda, la nuesa presentadora, desplicaba-yos la prueba d´esta selmana nel prau del tíu Xuacu. Aprovechando que la prueba coincidió col 25 de mayu decidióse que los capitanes ficieran de María Pineda y bordaran una bandera asturiana. Y tornó la polémica cola prueba selmanal; García Arias bordó na so asturina una estrella encarnada polo que la direición del programa aviso-y que nun permitía plasmar denguna ideoloxía na bandera. Arias respondió que la bandera de Bello tenía bordáu´l alfa y omega y que nel nuesu estatutu afitábase que l´escudu d´Asturies yera la cruz de la victoria col alfa y l´omega, pero na bandera solo esplicitaba que yera la cruz de la victoria sobre fondo azul, asina que si la suya yera independentista la de Bello yera rexonalista. Pero´l programa nun acepto les crítiques d´Arias y decidió da-y la prueba a los aldeanos. Cuando llegaron a la cabana de teitu los vaqueiros llegaron a un alcuerdu y decidieron que toos debíen de salir nominaos y que los espectadores decidieren. Asina qu´esta selmana hai cinco nominaos;


García Arias - Gonzalez Quevedo - Pablo Mazano


Ana Cano - Gonzalez Riaño

Recordái que son les vueses opiniones son les que deciden quien tien qu´abandonar “La Casona de los Bablistes”, si non votáis pue que a RTPA decida eliminar el programa y quedemos con un 0% de programación n´asturianu. Animáivos que nun hai que mandar mensaxes de móvil y facelo equí ye de baldre.

Por: eL trAsgU d´aRecEs | La Casona de los Bablistes | Comentarios (5) | Referencias (0)