eL trAsgU d´aRecEs

Sábado, 03 de junio de 2006

La Conseyería d'Educación prepara manuales de testu na fala

Según los datos de la Conseyería d'Educacion, el 18,5% de los alumnos del Navia-Eo escueyen l'asignatura de gallego-asturianu

Redacción

La Conseyería d'Educación del Gobiernu del Principáu d'Asturies, representada pol so asesor técnicu, Fernando Padilla, aprovechó ayeri l'actu de celebración de la VI edición del día de les lletres gallegues-asturianes, pa presentar una iniciativa pionera pa la edición de manuales na 'fala', apoyáu pola creciente demanda per parte de los escolinos de la zona nel estudiu de la llingua.

El 18'5% de los escolinos de Primaria y Secundario de la comarca del Eo-Navia, escueyen de manera voluntaria l'asignatura de gallego-asturianu. Una iniciativa al alza, en palabres de Fernando Padilla que valoró l'aumentu progresivu na escolarización de la llingua en toa Asturies.

Nel actu d'homenaxe a les lletres gallego-asturianes del Occidente, que celebraron unos 500 neños de la zona, tuvo tamién presente'l responsable de la Oficina de Política Llingüística del Principáu, Ramón d'Andrés, qu'animó a los más pequeños a cuidar la so cultura, asina como la so llingua.

ASTURNEWS 01/06/2006

Por: eL trAsgU d´aRecEs | LLINGUA | Comentarios (0) | Referencias (0)