eL trAsgU d´aRecEs

Martes, 06 de junio de 2006

GONZÁLEZ-QUEVEDO SAL DE "LA CASONA DE LOS BABLISTES"

González-Quevedo faciendo esparabanes al sabese nomináu

Agota tocó-yos a los vaqueiros despidir a ún de los sos componentes. Y esta selmana les vueses votaciones decidieron que l´espulsáu d´esta selmana ye Roberto González-Quevedo con un 42,8 % de los votos. La noticia foi recibía de mal xeitu pol vaqueiru, Quevedo acuso al programa de manipular les imáxenes y nun emitir lo que nun-yos convién, que lleva dos selmanes faciendo un zarráu pa les oveyines y el públicu tienlu que valorar porque él ye de los que más trabaya.

Al dexar la braña los vaqueiros punxéronse cola eleición del capitán selmanal, decidieron escoyer a González Riaño, demientres los aldeanos ficieron lo mesmu y garraron a Piquero como cabezaleru, col únicu votu a la escontra de Ramón d´Andrés que se güel que foi Piquero quien avisó de les sos escapaes a la braña. Dempués de les eleiciones toos se dirixeron al prau del tíu Xuacu onde Sonia Avellaneda esperábalos pa realizar la prueba selmanal, qu´esta selmana consiste en escanciar el mayor númberu de culines de sidra nun minutu. Piquero aviso que´l nun tenía muncha idea d´escanciar, que´l yera más de “manzanilla” y si podíen camudar al capitán, la presentadora avisolu de qu'eso nun se podía facer porque diba escontra les normes del programa. Al entamar la prueba notóse la maña de Riaño pal escanciáu y el xeitu que-y pon al facelu con dos vasos na mano, pela so parte Piquero amosó la so incapacidá pa echar un culín rompiendo tres vasos, una botella y perdiendo el 80 % de la sidra. Riaño ganó la prueba con diferencia, asina qu´esta selmana toca-yos nominar a los aldeanos, amás los vaqueiros recibirán diariamente una caxa de sidra más por cabeza.

Nel horru los aldeanos foron a nominar al confesionariu-cuadra de les xates. Valledor pidió-yos a tolos sos compañeros que lu nominaren a él, que los díes nun teníen xacíu ensin el so Rafina. Dempués de la confesión de Valledor el primeru en nominar foi d´Andrés que mando-y el so votu a Piquero poles sos sospeches, llueu nominó Valledor que como nun se pue nominar a él mesmu mando-y el votu a Xuan Bello, yá que según él dase unos aires d´estrellona y equí tamos pa trabayar, pela so parte'l propio Bello y Piquero nominarón a Valledor. Asina que los nominaos d´esta selmana son;


José Luis Piquero - F. Javier García Valledor - Xuan Bello

Al lleer Sonia Avellaneda les votaciones destaco la güeyada que echó-y Piquero a Ramón d´Andrés al sabese nomináu y les llarimes de Xuan Bello pola llerza a salir del horru, esti foi corriendo al gallineru a escribir poemes colos sos sentimientos. Recordái y que solu pue quedar ún y tendrá´l poder total sobre la llingua asturiana.

Por: eL trAsgU d´aRecEs | La Casona de los Bablistes | Comentarios (2) | Referencias (0)