eL trAsgU d´aRecEs

Lunes, 12 de junio de 2006

NUEVA ESPULSIÓN NA CASONA DE LOS BABLISTES

Valledor saliendo del coche que lo traxo a los nuesos estudios

Esta selmana la noticia ta nel equipu vaqueiru y na subida del porcentax de caxes de sidra, los vaqueiros aprovecháronlu y ficieron folixa toles nueches, cola posterior resaca del día siguiente. La mayor folixa prodúxose ayeri cuando los vaqueiros entamaron una gran espicha que cunto con música de gaita y tambor tocaes por Arias y Ana Cano respeutivamente. Tamién la dirección del programa facilito-yos CD´s de música faciendo Pablo Manzano de DJ. Gracies a esto pudimos descubrir les preferencies musicales de los académicos; Ana Cano nun dexa de blincar col soníu de Dixebra y afitó que diba munches vegaes a los sos conciertos y nun paraba de glayar cola so asturina en primer fila, amás de confesar que Xune taba bonísimu. Mientres qu´a Pablo Manzano pónense-y los pelos de punta cola voz de la Caunedo, anque tamién dixo que prestaba-y abondo “La pastorina del Cares”. Arias pela so parte falo de lo muncho que-y prestaben los soníos punk d´Oi!N´ast y el hip-hop de K-Nalón. Al que más costó-y confesar les sos gustos musicales foi a Riaño, a la fin dempués d´una caxa de sidra por cabeza Riaño confesó; tien tola discografía de Victor Manuel y enllénanse-y los güeyos de llarimes cada vegada que siente l´”Asturias” de Melendi. Esto produxo que´l restu de vaqueiros quedaron ablucaos cola noticia, produciéndose un alloñamientu con Riaño que pudimos ver en tol día de güei.

Pero lo más importante de tola selmana ye la espulsión y esta vegada les vueses opiniones decidieron que´l que tenía que dexar l´horru col 62,5 % de los votos yera Valledor, que se tomó la noticia perbien al ser el quien pidiera salir. Una vegada llegáu´l concursante a los nuesos estudios foi emocionante'l gran abrazu ente Valledor y Palacios que vuelven tar xuntos. Pudimos escuchar como Palacios-y dicía a Valledor que Tinín taba esperandolos pa tar de nuevu los tres xuntos y qu´agora nada diba separalos.

Los equipos escoyeron como capitanes a Manzano pol equipu vaqueiru y a Xuan Bello pol aldeanu y se dirixeron al prau del tíu Xuacu pa facer la prueba selmanal. Güei la prueba consistió en tallar una madreña con un trozu de carbayu, Manzano intentólo, pera la resaca de la folixa d´ayeri amestada con dos botellines de sidra que se metió pel gargüelu enantes de baxar al prau ficieron que Bello ganara la prueba y diera-y tiempu a decorar la madreña con dellos símbolos celtes y too. Manzano amás firióse la mano al tallar la madreña y tuvimos que llevalu corriendo al hospital, al final too quedo nún poco mercromina y unes gases.

Al llegar a la braña los vaqueiros foron ún a ún entrando na cuadra les xates pa nominar y paez que la confesión de Riaño frayo col bon ambiente de los vaqueiros. Ana Cano foi la primera en nominar y mando´l so votu pa Riaño, afiando qu´una persona que taba nuna institución como l´ALLA nun podía tener esos gustos musicales y qu´eso yera anti-asturianu. Manzano y Arias ficieron lo mesmo dando unos argumentos asemeyaos. La sorpresa yera a quién de toos diba dirixir el so votu Riaño, a la fin Riaño votó a Manzano yá que molestó-y muncho qu´ayeri cuando confesó los sos gustos musicales él foi´l primeru en entamar la griesca y qu´insultólu como enxamás insultáranlu na vida, Manzano-y dixera “mira saliónos rana, esti va ser peor que Ramón d´Andrés” y qu´a él naide-y dicía eso. Asina que los nominaos d´esta selmana son dos;


Pablo Manzao - Gonzalez Riaño

Votái pol que menos vos preste y recordái que queden dos selmanes pa la unificación na gran casona onde puen saltar chispes…

Por: eL trAsgU d´aRecEs | La Casona de los Bablistes | Comentarios (3) | Referencias (0)