eL trAsgU d´aRecEs

Sábado, 17 de junio de 2006

La pita vuelve planta-y cara a Areces

Esta tarde, na inauguración d’un centru de salú en Llugones, la Pita foi al alcuentru del presidente Areces a denunciar la política de marxinación del asturianu que ta llevando alantre esti gobiernu y a defender la reivindicación de la oficialidá de la llingua asturiana.

La Pita, acompañada por un garrapiellu de militantes de la Xunta pola Defensa de la Llingua Asturiana, consiguió entrar na carpa instalada pal actu d’inauguración. La presencia na carpa de la Pita y la complicidá de les persones asistentes pa coles sos reivindicaciones, fixeron que’l presidente Areces refugara facer la so intervención y quixera más colar lo primero posible.

Sicasí, la parte negativa vieno por culpa de la intervención de la Policía, qu’echó de la carpa a los compañeros y compañeres, que tuvieron de tar reteníos ellí durante más d’una hora. Entendemos qu’esta ye una actuación claramente escesiva énte una protesta ciudadana, respetuosa y estríctamente democrática.

exunta.org (16/6/06)

Por: eL trAsgU d´aRecEs | Llucha | Comentarios (0) | Referencias (0)