eL trAsgU d´aRecEs

Viernes, 23 de junio de 2006

PROBINOS GALLEGOS, QUE MALOS SOMOS LOS ASTURIANOS...

____________________________________________________________

O PP PIDE MEDIDAS CONTRA "AS AGRESIÓNS GALEGAS"
O goberno asturiano rexeita axudas á lingua para as zonas galegofalantes

"Diluír fronteiras" foi lema co que os representantes políticos dos gobernos de Asturias e Galiza quixeron poñerlle fin ao cumio que o pasado mes de xaneiro xuntou a conselleiros e presidentes das dúas administracións. Con todo, cara a esa práctica non axudará a decisión do executivo asturiano de pecharlle o paso a calquera proxecto para que a lingua galega poida estudarse nas escolas das comarcas do Occidente astur.

"Nin houbo nin haberá ningún contacto, nin se asinará ningún convenio con este obxetivo. E moito menos no sentido que desde Galiza propoñen". Así de belixerante cara ás propostas de colaboración cultural galegas se amosan desde o departamento de Cultura do goberno de Asturias, segundo recolle esta semana o xornal El Comercio, recoñecendo que si houbo contactos informais entre a Oficina de Política Lingüística do Principado e a secretaria xeral de Política Lingüística, Marisol López, coa proposta galega na mesa para que nas zonas galegofalantes se lle garantise o acceso na escola aos rapaces cando menos á materia de Lingua Galega.

Desde o PP aproveitan este novo episodio da polémica lingüística en primeiro plano, para esixirlle ao goberno asturiano, coalición de PSOE con IU, que poña fin "ás continuas agresións de Galiza cara a esta comarca asturiana" e "defenda o seu territorio". Os deputados populares da zona que sentan no Parlamento da comunidade, consideran que as iniciativas da Xunta de Galiza para promover o uso do galego no Eo-Navia "son a proba da marxinación á que o goberno rexional somete a esta comarca desde hai sete anos".

Ao fío, La Nueva España faise eco da volta á actualidade do Congreso da proposta de lei, rexeitada o pasado mes de marzo, que inclúe a proposta de que o galego sexa oficial no occidente de Asturias. PSOE e PP bloquearan daquela esa iniciativa, apoiada unanimemente polo resto de partidos. O proxecto estaba impulsado por ERC, formación que integra a coalición Europa dos Pobos á beira de Andecha Astur, partido co que acordou modificar esa proposta lexislativa, mudando o texto que di "territorios galegofalantes da franxa occidental de Asturias e a zona noroccidental de Castela e León", pola frase "aqueles territorios onde se fala galego".
____________________________________________________________

PROMOVERÁ A SÚA PROPIA
Asturias rexeita unirse a Galiza en favor da candidatura polo patrimonio inmaterial

Cando en 2005 ducias de colectivos galegos e portugueses turraban pola candidatura do patrimonio inmaterial, a Academia de la Llingua Asturiana cualificou de "unha gravidade política sen precedentes" que un representante do goberno asturiano estivese nun acto de presentación da iniciativa á beira da asociación local San Tirso do Eo, que tamén a apoiaba. Non foi a única voz que desde a veciña comunidade falou contra o proxecto. Agora, o Principado anuncia que defenderá a súa propia candidatura do patrimonio oral diante da Unesco.

Desde a Academia de la Llingua Asturiana fixeran belixerantes declaracións en 2005 logo da celebración dun Encontro de Portadores do Patrimonio Inmaterial Galego-Portugués, organizado por Ponte nas Ondas e unha asociación cultural de San Tirso de Abres, acto onde estivera presente o director do Instituto de Desenvolvemento Rural de Asturias, Eduardo Lastra. Desde a institución vían nese xesto, un recoñecemento oficial da candidatura galego-portuguesa que, na opinión da súa presidenta "parte do feito de que o occidente de Asturias é culturalmente Galiza", cualifincado ademais de "intento de asimilación" da zona por parte das forzas políticas galegas.

Pouco despois, pronunciábase sobre o asunto o director da Axencia Asturiana de Cooperación e Desenvolvemento, Rafael Palacios, quen definía de "imperialista" a candidatura galega, subliñando que o goberno asturiano non a apoiaría de ningún xeito. A continuación, o propio director xeral de Cultura, Carlos Madera, declaraba para os medios asturianos que no caso de que a Unesco concedese a declaración de Obra Mestra da Humanidade á candidatura lusogalaica, o seu goberno tomaría a iniciativa diante da institución internacional para esixir a modificación da súa redacción, na procura da eliminación de calquera referencia a Asturias.

Ao fío, desde a propia Academia lle enviaban unha carta ao director xeral da Unesco, cos matices e críticas á candidatura e diversos partidos, como Andecha Astur, Bloque por Asturies, Izquierda Asturiana e o PP, pronunciábanse no mesmo sentido, e posteriormente farían declaracións públicas louvando que a Unesco rexeitase darlle a mención á candidatura.

Meses despois, e segundo informa La Nueva España, o goberno do Principado péchalle a porta a unha posíbel candidatura apoiada conxuntamente por galegos e asturianos e anuncia a intención do executivo de defender unha candidatura propia diante da Unesco.

vieiros.com

Por: eL trAsgU d´aRecEs | Gallegaes | Comentarios (0) | Referencias (0)