eL trAsgU d´aRecEs

Lunes, 03 de julio de 2006

SIGUI LA CASONA DE LOS BABLISTES

Ana Cano enseñando-y a una persona del equipu del programa la mala calidá, según dixo, de les cebollas


Dempués d´unes selmanes que-yos dexamos a los nuesos concursantes de vacaciones “La Casona de los Bablistes” vuelve al so espaciu habitual. Dende equí informar a toles organizaciones de defensa del idioma y partíos asturianistes que yá ta bien de quexase pola presencia del asturianu na TPA, que como yá avisáramos na primer edición del nuesu programa esti añu nun va haber programes n´asturianu y sovenciones pa la promoción de la llingua nos medios de comunicación debíu al eleváu coste d´esti programa, asina que disfrutar de lo que queda de programa que pel momentu nun vais oyer nin un ye na televisión que diz ser “Reflejo de Asturias”.

Gracies al pequeñu descansu d´entamos del branu Gonzalez Riaño llibróse de salir col 100 % de los votos, pero nun llogro salvase y a la fin quedóse col 62,5 % de los votos. Asina qu'Ana Cano, García Arias y Pablo Manzano van tar na unificación de la próxima selmana colos dos concursantes del equipu aldeanu que queden y entrar na gran casona. Enantes de salir de la cabana de teitu Ana Cano informo de que l´ALLA diba tornar a la nuesa llingua l´”Asturias” de Victor Manuel y el de Melendi pa intentar salvar el prestixu del académicu, esto calmo les rocees que saltaron ente los académicos. Ta por ver si too tornara´l so llugar una vez que fine´l programa, de xuru que podréis ver como evoluciona esta griesca nos futuros programas de corazón que s´entamen na TPA pa reflexar les peculiaridaes del nuesu país.

Dempués de dexar Riaño l´equipu vaqueiru los concursantes de los dos equipos escoyeron a los sos capitanes, Ana Cano pol equipu d´académicos y Xuan Bello polos posibilistes. Nel prau del tíu Xuacu la nuesa presentadora desplico-y a los concursantes la prueba selmanal; facer una platu típicu de la gastronomía del país. Ana Cano nun duldó y garró´l platu más típicu de la nuesa cocina, una fabada, demientres que Xuan Bello escoyó facer unos chorizinos a la sidra. L´equipu del programa facilito-yos a los concursantes los ingredientes, a Ana Cano les fabes y el compangu; morciella, chorizu y llacón, demientres que Xuan Bello púnxose ensiguida a facer la so receta con dos chorizos y una botellina de sidra. Como yá ye vezu hebo problemes na prueba selmanal, esta vegada Ana Cano quexóse de que les cebolles que-y dieron pa facer la fabada nun yeren asturianes, que taben mui blandes y que n´Asturies les cebolles yeren mui bones y qu´eses de xuru que yeren de Castiella o más pa baxo que taben como quemaes pol sol. Pero finalmente Ana Cano gano la prueba y amosó´l so nivel cola gastronomía ástur, la fabada quedo-y nel so puntu xustu, demientres que Xuan Bello pasóse cola sidra y los chorizos quedaron un poquiñín quemaos.

Asina qu´esta selmana toca-yos a los aldeanos nominar y pa ello foron entrando ún a ún na cuadra les xates. El primeru en nominar foi Xuan Bello que voto por Piquero, según dixo ponse insoportable cuando nun ta colgáu d´internet y que si nun sal él que polo menos-y subamos les hores de conexón pa que tea tranquilín. Lo mesmo fexo Ramón d´Andrés que paez qu´enxamás va escaecer el chivatazu sobre les sos escapaes a la braña pa xixilar a los vaqueiros. Pela so parte Piquero mando-y el so votu a Xuan Bello yá que, según dixo, ta escribiendo un llibru de cuentos basáu nes histories qu´asoceden nel horru y que pasa tol día escribayando y que nun echa un gabitu cola facienda y yá ta fartu d´ocupase de les pites y de la güerta él solu.



J. L. Piquero * Xuan Bello

Asina que los nominaos esta selmana son José Luis Piquero y Xuan Bello. El que salga la próxima selmana nun tará na unificación. La próxima selmana toos xuntos na casona de los bablistes, un equipu y dos posiciones, solo va quedar ún y tendrá tol poder sobre la llingua d´un país.

Por: eL trAsgU d´aRecEs | La Casona de los Bablistes | Comentarios (1) | Referencias (0)