eL trAsgU d´aRecEs

Martes, 18 de julio de 2006

LLEGO LA UNIFICACIÓN

Piquero ye l´últimu espulsáu tando los dos equipos dixebraos

Dempués de tar nomináu toles selmanes y salvase, a la fin ye José Luis Piquero quien tien que dexar l´horru aldeanu. Un 62,5% de los espectadores decidió que fora él l´espulsáu y el que nun va tar na gran casona y na unificación de los dos grupos. Piquero tomóse la noticia con gayola; garró´l so portátil y marchó corriendo demientres glayaba “¡¡¡olé, olé y olé!!!, dexando ablucaos a los sos collacios del equipu de los posibilistes Xuan Bello y Ramón d´Andrés.

Pero ensin dulda la nueva más importante d´esta selmana ye que yá queden 5 concursantes, polo tantu llego´l momentu de la unificación y de que los concursante dexaran la braña y el pueblu. Foi emocionante ver como Manzano despidíase de les xates y de les oveyines con llarimes nos güeyos, una de les oveyines paecía quere-y dicir adiós y too colos sos glayíos, Ana Cano tuvo que consolar al so compañeru y pocu falto pa que nun acabaran los dos llorando. Una vegada que los cinco concursantes llegaron a la casona Sonia Avellaneda desplico-yos les nueves normes dientro del so nuevu fogar: la primera y más importante ye que yá nun van tener que nominar, agora los cinco taran nominaos cada selmana y sois vosotros los que tenéis qu´elixir quien debe dexar el concursu. La segunda y la que va dar más xuegu ye que, como bien sabéis, esti programa quier reflexar el xeitu de vida tradicional de los asturianos y si na primer parte del programa tentábamos reflexar el pasáu agora llego´l momentu del presente; los concursantes tendrán que sirvir a madrilanos na casona convertida en casa de turismu rural, tendrán que tocar la gaita y cuntar monólogos d'humor n´asturianu pa entretenelos y qu´asina tornen cada añu a esti gran parque temáticu que ye Asturies. Los concursantes decidieron repartise´l trabayu con más futuru nel nuesu país; per un llau Ana Cano va ser la camarera del restaurante, decidióse asina pol so calter dialogante como presidente de l´ALLA yá que va tener que tratar con tolos madrilanos, Xuan Bello va ser l´encargáu de cuntar monólogos traicionales antroxáu con boina, calláu y ropa vieya, yá qu´ensin dulda ye´l que más calter poéticu de tolos concursantes tien, pela so parte Manzano va echar dalguna tonada dempués de facer les distintes xintes del menú que-y toquen como cocineru, too ello dempués del conciertu de gaita y tambor que van dar demientres les cenes García Arias a la gaita y Ramón d´Andrés al tambor, Ana Cano tamién dixo qu´igual echaba dalgún baille tradicional de Somiedu si nun quedaba mui cansada de sirvir a los madrilanos.



La casona onde van vivir los concursantes

Asina que too va camudar agora nel concursu, dempués de varies selmanes compitiendo agora van tener que trabayar en comuña, pero caún coles sos posiciones perestremaes respeutu a la llingua asturiana. Recordái qu´agora podéis votar a quien más vos pete, yá nun hai nominacios, too tan es vueses manes.

Por: eL trAsgU d´aRecEs | La Casona de los Bablistes | Comentarios (0) | Referencias (0)