eL trAsgU d´aRecEs

Jueves, 27 de julio de 2006

XUICIU A 6 COMPAÑEROS DE LA XUNTA

Seis compañeros de la Xunta tán llamaos a xuiciu por pidir la oficialidá de la llingua asturiana nuna acción de la Pita’l pasáu 16 de xunu en Llugones.

La Xunta pola Defensa de la Llingua Asturiana quier denunciar qu’estes actuaciones son contraries al exerciciu del derechu a la llibertá d’espresión y a la crítica política. Ye evidente qu’esto, qu’en distintos graos llevamos careciendo dende va muncho tiempu, namás persigue callar les voces crítiques cola xestión d’esti gobiernu.

La Xunta pola Defensa de la Llingua Asturiana quier dexar claro que per esta vía nun van llograr qu’abandonemos la denucia pública de la situación de marxinación y falta de derechos que carez la llingua asturiana y les persones falantes d’asturianu.

Si al presidente Areces-y molesta que les crítiques tresciendan a la opinión pública, la vía pa evitales nun ta na criminalización de la reivindicación llingüística sinon na corrección de la política de marxinación llingüística que ta llevando alantre’l so gobiernu.

Por último, la Xunta pola Defensa de la Llingua Asturiana quier manifestar que los compañeros encausaos cuenten cola solidaridá y l’apoyu total y incondicional de la organización.

www.exunta.org

Por: eL trAsgU d´aRecEs | Llucha | Comentarios (0) | Referencias (0)