eL trAsgU d´aRecEs

Martes, 22 de agosto de 2006

19.000 asturianos emigraron a otres comunidaes nel 2005 p'alcontrar trabayu

DATOS DEL INSTITUTU NACIONAL D'EMPLEGU

19.015 asturianos y asturianes de menos de 30 años dexaron Asturies a lo llargo del 2005 pa trabayar n'otros llugares del estáu, según espeyen los datos del informe del Observatoriu Ocupacional del INEM "Mercáu de Trabayu de la mocedá". Polos 19.000 que marcharon, llegaron a Asturies otros 7.416, colo que'l saldu migratoriu particular d'esta estadística quedó nunos negativos 11.599 emigrantes. Madrid, Barcelona, A Coruña y Lleón son los llugares preferentes d'emigración de los asturianos mozos, mientres qu'estes mesmes provincies, xunto cola de Lugo y la comunidá de Cantabria foron los llugares de procedencia de los que llegaron a Asturies.

No tocante al mercáu llaboral mozu dientro d'Asturies, el sector servicios supunxo'l 77% de les 145.000 contrataciones que se fexeron, roblándose nos más de los casos contratos eventuales y por obra y serviciu, siendo'l 93% de los contratos asturianos a trabayadores de menos de 30 años de tipu temporal. El 32,3% de los contratos foron por plazos inferiores al mes.

ASTURIES.COM (22/8/2006)

Por: eL trAsgU d´aRecEs | Caxigalines | Comentarios (0) | Referencias (0)