eL trAsgU d´aRecEs

Viernes, 25 de agosto de 2006

Dos militantes de Darréu denunciaos por 'daños' al pintar un mural pola oficialidá en Llangréu

La organización nacionalista moza felicítase del éxitu de la so campaña '100 murales pola oficialidá'

Les mocedaes nacionaliegues de Darréu denuncien públicamente l'acusación fecha contra dos de los sos militantes énte la Fiscalía del Menor, 'por decisión de l'alcaldesa de Llangréu -sigún informaciones de la propia Policia Local-'. La denuncia, que ye tachada por Darréu como 'una aición represiva por motivaciones polítiques' y 'descomanada', vieno motivada pola pintada d'un mural dientro de la so campaña '100 murales pola oficialidá'.

Darréu empezaba a finales de mayu una campaña per 25 conceyos d'Asturies baxo'l títulu de '100 murales pola oficialidá'. Con más de 65 murales espardíos pelos conceyos de Noreña, Siero, Sariegu, Nava, Llangréu, Samartín del Rei Aurelio, Llaviana, Sobrescobiu, Casu, Mieres, Riosa, Morcín, Carreño, Gozón, Corvera, Illas, Xixón, Piloña, Parres, Ribeseya, Cuaña, Villalón, El Franco, Castropol y A Veiga, Darréu fai una valoración 'mui positiva' de la repercusión de la compaña, de la que dicen 'ta cumpliendo los oxetivos d'esparder la reivindicación de la oficialidá pela xeografía del país'.

Sicasí, dende la organización nacionalista llamenten la denuncia énte la Fiscalía del Menor a dos de los sos militantes por daños, nuna decisión qu'achaquen a l'alcaldesa de Llangréu y que consideren 'represiva por motivaciones polítiques y vese no descomanao de la so decisión y el que fuere ella la que lo ficiere por decisión personal'.

ASTURNEWS (24/08/2006)

Por: eL trAsgU d´aRecEs | Llucha | Comentarios (0) | Referencias (0)