Acerca de
Búsqueda
Categorías
Archivos
Sindicación
Créditos
Diseñado por Studio.st
Online gracias a Bitacoras.com
Jueves, 07 de septiembre de 2006
LA RADIO PÚBLICA ASTURIANA INTENTA SILENCIAR A RADIO SELE
Nada pue dicise de la presencia de l´asturianu en Tele Tini porque la so presencia ye nula, pero poles pallabres de los responsables de la RTPA paez que na RPA (Radio Tini) la presencia de la llingua ta asegurada polo menos nun par d'hores, o eso dixeron nún entamu. Asina que nún primer momentu podíamos pensar que na radio pública de los asturianos diba haber un respetu, por mínimu que fuere, pola llingua del país. Pero nun ye asina, porque Radio Tini mañana entama les sos emisiones en prebes y failo nel dial 106.4, xusto a la vera d´onde ta Radio Sele (106.5), cola cual la única emisora dafechu n´asturianu tópase con más intentos de silenciarla por parte del Principáu. Ello ye que la emisora ta obligada por telecomunicaciones a cambiar de dial pa dexar vía llibre a Radio Tini pa la manipulación y los afalagos a la FSA y Radio Sele a partir d´agora tien que facer les sos emisiones dende´l 106.1. Los collacios de la emisora tan intentando que pa mañana tea too solucionáu yá que pol momentu solo pue sentise a traviés d´interné.
¿Por qué Areces tien tanto mieu a la llibertá d´espresión?, ¿por qué tien tantu mieu a l´asturianu?, ¿onde ta la llibertá d´información propia de cualesquier sociedá democrática?, ¿onde tal drechu humanu básicu del respetu a les minoríes llingüístiques?. Como dicía´l cantar de Dixebra “si esto ye socialismu que venga l´anarquía”.
Por: eL trAsgU d´aRecEs | TeleTini | Comentarios (1) | Referencias (0)
Comentarios
Les emisiones de la Radio Autonómica tapecen a Radio Sele
LA DIRECCIÓN DE LA EMISORA NUN VE INTENCIONALIDÁ
Redacción
08/09/2006 Radio Sele, la emisora que dende 1986 emite dafechu en llingua asturiana, vio como ayeri, col entamu de la emisión en prebes de la Radio Autonómica del Principáu d'Asturies (RTPA) la so emisión quedaba tapecida pola señal del'autonómica. Ello ye que mientres Radio Sele emite dende'l 106.5 de la FM con 50 watios de potencia, l'autonómica failo dende'l so repetidor principal del Gamoniteiru nel 106.4 con 120.000 watios. Según esplicó a Asturies.com el director de Radio Sele Xuanxo Mariño, siempre qu'una emisora tea a menos de trés mhz de la frecuencia que tenga más allegada, ye normal que se tapezan la una a la otra. Nel casu de Radio Sele, la descomanada diferencia de potencia d'emisión respective a la emisora del Principáu fizo'l restu.
Xuanxo Mariño nun ve intencionalidá nel fechu de que l'autonómica ocupare'l so dial, pero si que-y abulta estraño qu'una emisorade les característiques de l'autonómica emita más allá del 106 de la FM, onde entama lo que se conoz técnicamente como "zona puerca" del dial. Pa iguar esta situación, Radio sele yá-y tien solicitao al departamentu competente en Telecomunicaciones autorización pa emitir dende otru puestu nel dial, el 106.1, que se cuenta con que tea disponible nos próximos díes.
Asturies.com
el trasgu d´Areces | 08-09-2006 09:45:49
Comentar
