eL trAsgU d´aRecEs

Jueves, 07 de septiembre de 2006

XUNTÉMONOS PACÍFICAMENTE POLA DIGNIDÁ, LA LLIBERTÁ Y LA INDEPENDENCIA

Un garapiellu de presos políticos sah.arianos lleven dende´l pasáu llunes en fuelga de fame ilimitada na “Cárcel Prieta” d´Aaiun ante tolos incumplimientos de l´alministración marroquina al respeutu. El motivu ye llamar l'atención sobre la situación del so pueblu y la precaria situación nes cárceles polos tratos inhumanos del gobiernu marroquín. Ente les reivindicaciones citaes nun documentu robláu polos presos políticos tal reagrupamientu lloñe de los presos comunes, ser atendíos por mélicos (ún desmayóse y foi atendíu pol doctor 2 hores dempués), amás critiquen los pilancos pa ser visitaos poles sos families y que nun-yos permitan recibir cartes del esterior. Nel documentu piden que “xuntémonos pacíficamente pola dignidá, la llibertá y la independencia”, que se respeten los drechos humanos de los ciudadanos sah.arianos y que se llevanten los pilancos pa que los medios de comunicación puedan informar sobre lo que pasa nel Sáh.ara Occidental. Nel comunicáu denuncien que Marruecos nun respeta los drechos d´asociación, xuntanza, llibertá d´espresión y protesta pacífica recoyíos como drechos básicos na llegalidá internacional. El Frente Polisario tamién denunció que les autoridaes marroquines tán promoviendo la represión escontra la población del Sáh.ara Occidental.

Web de l´ASVDH (Association Sahraouie des Victimes des Violations Graves des Droits de l’Homme Commises par l’Etat du Maroc)
Páxina de la República Sah.ariana
Asociación Asturiana d´Amigos del Pueblu Sah.arianu

Por: eL trAsgU d´aRecEs | Otros pueblos, mesma llucha | Comentarios (0) | Referencias (0)