Acerca de
Búsqueda
Categorías
Archivos
Sindicación
Créditos
Diseñado por Studio.st
Online gracias a Bitacoras.com
Miércoles, 13 de septiembre de 2006
L´ARAGONÉS YÁ TIEN ACADEMIA
Navegando pola blogosfera topo un prestoso blog en llingua aragonesa, “O Chemeco d´as parolas”, onde pueo lleer qu´Aragón yá tien dende´l pasáu sábadu una institución llingüística encargada de normativizar la fabla; l´Academia de l´Aragonés. La presentación de la institución celebróse na Diputación Probincial d´Uesca y remata´l procesu qu´entamaran en xulio nel II Congreso de l´Aragonés, onde decidióse crear esta academia colos oxetivos de velar pol futuru de les estremaes modalidaes del aragonés y trabayar por un estandar común. Los 19 miembros colos que cuenta la institución encamentáronse facer otra xuntanza pa elixir los cargos direutivos y a partir d´ellí entamar a presentase ente les instituciones y la sociedá d´Aragón. Suerte a l´academia aragonesa y esperemos que sepa poner los pegollos pa que l´aragonés s´asitie con pasu firme na sociedá aragonesa.
Por: eL trAsgU d´aRecEs | Otros pueblos, mesma llucha | Comentarios (2) | Referencias (0)
Comentarios
Muitas grazias por comentar o nuestro caso. Sí, a berdat ye que o prozeso prenzipió fará ya dos añadas, pero en chulio, en un congreso que tamién i estión representans de l'Academia de la Llingua Asturiana entre atros, se azeptó a suya creyazión y amás se i contó con o refirme d'atras instituzions.
Agora ya i hai un organo regulador, nomás nos cal que a soziedat prenga conzienzia (asinas como o nuetro gobierno) y dezidan toz de fer un poder ta sacar a debán l'aragonés. Que como no miren de fer-lo, iremos mui mal.
Un saludo, enhorabuena por o tuyo blog. Contina fendo-lo tan bien y más que más, en asturianu.
Charrabís | 18-09-2006 00:30:58
Gracies a ti pol mensaxe y por facelo nuna llingua tan prestosa como ye l´aragonés. Ensin dulda la creación d´una academia ye´l primer gran pasu pa entamar a recuperar una llingua y que la sociedá que ye dueña d´esa llingua poquitín a poquitín vaya dando-y puxu na sociedá, de xuru que la vuesa academia sabrá poner unos bonos pegollos pa que la xente vaya garrando-y ciñu a l´aragonés. Otru casu ye´l de los políticos, que refugaran reconocer un rasgu d´identidá tan importante como ye una llingua, sobe too una llingua que nun falen y que nun sienten como de so. Hai otres coses que tienen que venir ceo como la escolarización, toponimia, medios de comunicación… n´otres estayes yá tenéis camín andáu como na música –con grupos musicales tan bonos como Mallacán ;o) - Salú y ENTALTO ARAGÓN!!!
el trasgu d´Areces | 18-09-2006 19:21:51
Comentar
