eL trAsgU d´aRecEs

Jueves, 21 de septiembre de 2006

LOS “PARTÍOS PIRATES” (y nun falo del Ensame…)

Como de xuru sabréis esti fin de selmana hebo eleiciones en Suecia y amás de ser ganaes pol centru-drecha de l´”Alianza por Suecia” tamién tuvieron marcaes pol primer partíu pirata que llega a unes eleiciones; el Piratpartier. El partíu quedóse con 9.287 votos, mui lloñe de los 225.000 votos necesarios p´algamar representación nel Parlamentu.

Esti partíu foi creáu pola comunidá cibernauta poles preocupaciones que provoquen les lleis reguladores de propiedá intelectual y los reglamentos de retención de datos y control social. Asina, el partíu promueve la defensa del llibre intercambiu d´archivos, eliminar el canon dixital y les patentes de software. En definitiva una mayor democratización de la rede y la defensa d´un interné abiertu a tola ciudadanía.

Al Piratpartier siguieron-y numberosos xermanos per toa Europa. N´Asturies tovía nun tenemos nengún partíu pirata pero anguaño n´Europa cunten con partíos asina los estaos d´Austria, Italia, Alemaña, Francia, Bélxica y el Reinu Xuníu. El caberu n´incorporase foi´l Partido Pirata español en procesu de construcción y con munches menos posibilidaes que´l suecu.

Por: eL trAsgU d´aRecEs | Mundu | Comentarios (0) | Referencias (0)