eL trAsgU d´aRecEs

Sábado, 23 de septiembre de 2006

EL QU´ESBARRIA YE UN BABAYU

"l´apueste del Principáu pola mio película ye políticamente madura y de futuru, porque ye bono quitái-y la boina a les ayudes culturales y nun veles sólo dende un puntu de vista nacionalista".

(Victor García León, direutor de cine)

L´apueste del Principáu pola to película si que ye un apueste de boina, como tola política audiovisual fecha n´Asturies, sovencionar una película que d´asturiana sólo tien 6 mozos que trabayaron de meritorios (ye dicir, pues mirar lo que tamos faciendo pero enantes tráesme 2 cafes con lleche, un cortáu, dos pinchos de llombu y ún de tortiella) lo que valió pa qu´Areces fora a Madrid pa facese una semeya colos actores de la película, direutor y los 6 mozos y salir na portada de tolos medios asturianos. Ye mui facil dicir ensin tener idea que les sovenciones del Principáu puen tener boina y que tán feches dende un puntu de vista nacionalista, ye nidiu´l to nulu conocimientu de la realidá asturiana, hai que pasate, Vitorín, unos videos de la TPA pa que los compares con TeleMadrid, dempués fales si quies de boines (entrúgome si visti dalguna boina na to vida poles cais de la Gran Vía madrilana de les que me paez qu´enxamás salisti). Asturies ye una comunidá onde´l sector audiovisual ye cuasi nulu y el Principáu que fai; encargar producciones pala TPA a empreses madrilanes, sovencionar películes de Garci (qu´eses polo menos tán rodaes equí) ensin actores nin téunicos asturianos, sacar a concursu pública sólo un canal de TDT de los 4 colos que cuenta Asturies (amás de poner como esixencia namás que 4 hores de producción propia al día cuando por exemplu en Galiza pídese´l 50 % de la programación y un 40 % en llingua gallega). Bono Vitorín podía dicir munches coses más pero creo que con estos exemplos dexo claro quien lleva boina (entiendo que llevar boina identifíqueslu con ser un paletu y paezme que´l qu´amosó ser un paletu yes tu). Tamién ta nidiu que les polítiques del Principáu tienen un puntu de nacionalismu sí, pero español, viva lo de fuera y que muerra lo nueso (home, igual sovencionar la to película tamién tuvo que ver con que participasti n´Hay Motivo, el film coleutivu pa echar al PP del gobiernu español). Espero qu´esa película tan universal y ensin boines que ficisti pagada por tolos asturianos vaya bien, que llueu andáis quexándovos de lo mal que ta´l cine español y tenéis que venir a "provincies" a pañar cachu y dexáis ensin nada´l audiovisual d´equí, eso si, yo nun piensu pagar un duru (más) pa vela.

Por: eL trAsgU d´aRecEs | Opinión | Comentarios (0) | Referencias (0)