Acerca de
Búsqueda
Categorías
Archivos
Sindicación
Créditos
Diseñado por Studio.st
Online gracias a Bitacoras.com
Domingo, 24 de septiembre de 2006
LLEENDA URBANA
Estes pallabres qu´escribo col enfotu de que daquién llea yá tán escrites dende Euskal Herria, a unos cuentos quilómetros del mio país, de la mio casa. Agora lo únicu que me xune a Asturies ye la pantalla d´esti ordenador y el teléfonu, a traviés d´ellos ye la única manera que tengo pa saber lo que pasa nel mio país y saber como ta la mio xente. Mañana entamare un nuevu cursu na Facultá de Leioa y la verdá qu´entamo con ganes, a partir de terceru les asignatures céntrense toes más nel periodismu y tengo ganes de saber como son, anque nun pudi garrar nenguna de les optatives que quería y como consuelu coyí una de cuartu, “Téuniques de creatividá lliteraria” que de xuru va prestame, pero estu nun llena un vaciu que siento nel mio interior (nun quiero poneme pedante). Leioa ye un pueblu tranquilu, Bilbo una ciudá increyible y Euskal Herria un país xenial, pero nun ye la mio casa, nun ye Asturies. Diz un cantar de Dixebra con lletra de Xandru Fernández que n´Asturies ye onde vivimos y onde ta lo que sentimos. Ye duru cuando tas lloñe de tolo que sientes, cuando hasta´l branu que vien sólo vas pasar pola to casa de fin de selmana, con priesa y ensin tiempu pa facer tolo que quies. Ye más duru cuando´l presidente del to país diz que la to llingua nun esiste, que nun tienes nacionalidá y que tu nun esistes, yes una lleenda urbana.
Salú a tolos asturianos qu´hai pel mundu, a tolos que namás que-yos queda suañar col so país y a los que se llevanten toles mañanes suañando con facer tragar a Areces les sos mentires.
Por: eL trAsgU d´aRecEs | Caxigalines | Comentarios (3) | Referencias (0)
Comentarios
salú dende madrí, ya güeyé que pasate pol mio blog, gracies yes el primer que crucia perellí ya nun ye de Uxo, el to blog ta perguapu tamién, ya tenía tao enantes.
Asina que tas N'Euskal Herría, bona xente y bona terra ye esa, van trate perbien, yo tengo vascos equi nel trabayu ya son abondo bonos, ya un par de col.lacion de uxo tuvieron el.lí viviendo ya lo mesmu, va dite perbien, de xuru.
El tornar p'asturies, yo al empicipiu de tar equí aportaba abondo vegaes, l.lueu va dando floxedá y vas dexandolo, agora torno una vegada al mes o los dos meses, eso si, el momentu que entres nel pais nun tien semeyanza denguna.
Bona Suerte!!
exnorlax | 25-09-2006 15:29:39
Llevo yá dos años equí y ye un país perguapa y los vascos son mui bona xente, pero nun hai nada como la to casa. Lu mio foi al revés; nún entamu volvía a casa una vegada al mes, agora nun pueo pasar más de 15 díes ensin tornar. Salú.
el trasgu d´Areces | 25-09-2006 18:40:58
Saludinos tamién dende los Madriles!!!
Préstame asgaya'l to bloq, felicítote. Toy camentando en faceme yo tamién ún. La verdá qu'estu de tar lloñe'l llar ye un bálagu cuchu, cuando aporté equí nun camentaba la estaya na que diba a empobiname, nun camentaba como toó pudía ser tan desemeyáo.
Cuando torno p'Asturies, que ye ca munchos meses, esnalo al adicar les viesques, les montañes, les paciones (magar que tamién ye verdá que póngome caraxúes cuando a l'altor de Mieres entamo a ver ocalitos), pero cuando teo que marchar, llémbrome d'esi canciu de Dixebra, Puerca Vergoña, y delles vegaes, al salir del Güerna, tapézome la cara cola mán, pa que les llárimes nun se me coñozcan...poro,caberamente, ca vegada que teo oportunidá de voltar p'Asturies, refúgola...Asturies ye como l'amor duna muyer...
Salú, gayolu y curiu esiliu...
Asturgalaico | 14-10-2006 19:58:44
Comentar
