Acerca de
Búsqueda
Categorías
Archivos
Sindicación
Créditos
Diseñado por Studio.st
Online gracias a Bitacoras.com
Martes, 26 de septiembre de 2006
UNA NACIÓN, UNA SELEICIÓN
La Plataforma Proseleccions Esportives Catalanes consiguió too un ésitu col so nuevu anunció publicitariu dientro de la campaña “Una nació, un selecció”. Y ye que´l mesmu día qu´entamó la campaña y por mor de la polémica xenerada dende sectores españolistes la plataforma recibió ente les 12 y les 7 de la tarde a 238 nuevos socios.
Nel polémicu anunció vese a 8 neños xugando al fútbol, un neñu cola camiseta de la seleición catalana xúntase al grupu pa xugar. Pero un neñu con una camiseta roxa nun-y dexa, entós el neñu cola camiseta de la seleición catalana quítase la camiseta y pónse a xugar. Otros neños faen lo mesmu y entamen un partíu de fútbol ente neños con camiseta y ensin ella.
La plataforma diz que con este anunció quier espresar que la nación llévase nel corazón y que cola collaboración de tolos deportistes catalanes van poder representar dalgún día al so país. Tamién afiten que la campaña nun quier buscar la polémica sinón representar que cuando ñéguense los drechos d´un grupu tánse ñegando los drechos de toos.
La campaña sal xustu agora pa coincidir col partíu ente Catalunya y Euskadi que se va xugar esti sábadu 8 d´ochobre a les 18.30 nel Camp Nou.
Por: eL trAsgU d´aRecEs | Otros pueblos, mesma llucha | Comentarios (1) | Referencias (0)
Comentarios
Xugóse'l partíu ente les selecciones de Cataluña y Euskadi
Redacción
09/10/2006 Ayer l'estadiu barcelonés del Nou Camp foi l'escenariu del partíu de fútbol ente les selecciones de Cataluña y Euskadi. Mas p'allá de los estrictamente deportivo, l'actu amás foi una reivindicación de la oficialidá de les respectives selecciones d'esos dos países, una demanda expresada ayer públicamente polos presidentes Maragall y Ibarretxe. El partíu acabó con empate a dos goles.
Delantre de mas de 50.000 espectadores los presidentes catalán y vascu pidieron la oficialidá de les sos respectives selecciones. Maragall señaló que "yá que l'estatutu diz que Cataluña ye una nación, hemos tener una selección nacional". Ambos coincidieron en "querer ver" esti partíu en competiciones oficiales como "un mundial de fútbol". Pela so parte los xugadores salieron al campu con una pancarta col lema "Xuntos pola paz" que facía mención al procesu de paz nel País Vascu.
Na metá'l partíu rescampló'l fechu de que una parte de los espectadores sofitó la propuesta de la plataforma "Pel Dret de Decidir" y quitáronse la camiseta como apoyu al anunciu televisivu de la campaña pol reconocimientu de les selecciones catalanes. L'anunciu desató la polémica hai unos dies al suspender la so emisión un xuez de Barcelona argumentando que "l'anunciu taba dirixíu principalemte a los menores y hai razones d'urxencia qu'aconseyen la so prohibición, porque puede fomentar la discriminación entre menores y daños y perxuicios de dificil reparación". L'anunciu puede vese nel diariu catalán vilaweb.
ASTURIES.COM
EL TRASGU D´ARECES | 10-10-2006 04:03:19
Comentar
