eL trAsgU d´aRecEs

Viernes, 29 de septiembre de 2006

CONCENTRACIÓN EN DEFENSA DEL PUEBLU SAH.ARIANU

La situación de los presos sah.arianos na Prisión Prieta d´Aaiun, de la que yá faláramos equí, nun meyora y tovía tán en fuelga de fame. Preocupa muncho la salú de Loumadi Said, según l´Asociación de Familiares de Presos Sah.arianos perdió la capacidá de falar y namás que fai señes cola mano. Y asina sigui la situación de más de 30 presos ensin que los mélicos los atiendan y la direición de la prisión escuche les sos vindicaciones. Por ello la Coordinadora Estatal d´Agrupaciones Solidaries col Sah.ara convoca una xornada de solidaridá col pueblu sah.arianu que vive exiliada nel ermu arxelín y coles families que viven en territoriu ocupáu por Marruecos. La concentración ye delantre del Ministeriu d´Asuntos Esteriores dende´l vienres 29 de setiembre hasta´l sábadu día 30 a les 12.00, pa participar ye necesariu llevar sacu de dormir y ropa d´abrigu, amás d´informase nos teléfonos 915317604 y 696255501 o nel corréu electrónicu; ceas-sahara@ceas-sahara.es.

Por: eL trAsgU d´aRecEs | Llucha | Comentarios (0) | Referencias (0)