Acerca de
Búsqueda
Categorías
Archivos
Sindicación
Créditos
Diseñado por Studio.st
Online gracias a Bitacoras.com
Viernes, 29 de septiembre de 2006
RADIO TINI PROYEUTA DELLOS PROGRAMES N´ASTURIANU
Según informen en “Les Noticies” d´esta selmana Radio Tini tien en proyeutu dellos programes n´asturianu. Tovía tán en fase de preparación pero polo menos aseguren una presencia de la llingua na radio pública, anque pue vese que ye más que probable que l´asturianu nun te presente en informativos, tresmisiones deportives o grandes magazines diarios. Polo menos los pocos programes que se tán preparando cunten con grandes profesionales delantre del micrófonu y aborden distintes temátiques, esperemos que seyan namás que´l puntu d´arrinque de la programación n´asturianu y nun queden nel requexu´l bable (requexu que tovía nun esiste na TPA).
“Abriendo camín”; dirixíu por Carlos Rubiera ye un programa d´autor, el programa xira en torno a la obra de Rubiera (escritor y padre del “Nueu canciu astur”) contestualizada en cada momentu social, hestóricu, cultural y políticamente. Nel programa habrá una entrevista a un músicu asturianu o d´otres corrientes musicales del mundu y música del momentu del que se fale en cada programa dende los tiempos de Conceyu Bable hasta l´actualidá. La duración ye d´una hora a la selmana.
“Música, músiques”; el críticu musical Ismael González Arias prepara un programa que falará de la nuesa música tradicional y la so renovación. En tolos programes preténdese cuntar con un músicu que fale del so trabayu. L´invitáu interpretaría cuatro temes del so repertoriu en direutu que s´amestaríen con xoyes de la música tradicional asturiana. La duración ye d´una hora selmanal.
“Rockmería”; presentáu por Xune Elipe y dedicáu a la música más movida que se fai en llingües minoritaries europees, tamién habrá axenda musical y recomendaciones de llibros que tengan que ver cola música.
“Canta l´uxu”; programa de Xosé Ambás nel que demientres media hora a la selmana falaráse de la tradición oral asturiana con cantares, charres, cuentos…
“El mirador d´Urdiales”; el biólogu y collaborador de Radio Sele Bertu Urdiales prepara un programa de naturaleza.
Los programes vanse repetir varies vegaes a lo llargo de la selmana y supónse que la programación de Radio Tini entamará a lo llargo del mes d´ochobre.
Por: eL trAsgU d´aRecEs | TeleTini | Comentarios (1) | Referencias (0)
Comentarios
Carlos Rubiera abre güei la programación n'asturianu de la RPA
Redacción
09/10/2006 La Radio del Principáu d'Asturies (RPA) entama güei la emisión de programes. Concretamente van ser cinco programes especiales de música, cuatro d'ellos n'asturianu, de les 15.00 a 16.00 hores y de llunes a vienres. Esti llunes, la RPA emitirá "Abriendo Camín", espaciu dirixíu y presentáu pol cantautor Carlos Rubiera, que va percorrer el panorama de la música tradicional asturiana.
El del músicu Carlos Rubiera ye'l primeru n'asturianu en emitise na RPA. Darréu d'esti van ponense n'antena otros tres programes nel nuesu idioma. Los martes va emitise "Música, musiques", programa que contará con protagonistes de la canción asturiana y que dirixe Ismael González Arias. Los miércoles, "Rockmería", espaciu presentáu pol líder de Dixebra, Xune Elipe, onde vamos poder sentir musica rock n'asturianu y n'otres llingües del estáu y del mundu. Los xueves "Llugar pal placer" que tratará les músiques ecléctiques y de fusión, y va tar dixrixíu por Roberto Bernabeu. Los vienres Chus Neira presentará en castellán "El intercambiador", dedicáu a "les intersecciones musicales contemporánees".
Estos programes van repetise ente les 22.00 y les 23.00 hores hasta l'entamu d'un programa deportivu, que va retrasalos una hora. RPA emprincipió'l pasáu 8 de setiembre la emisión en pruebes dende los centros de Gamoniteiru cola frecuencia 106.4 Mghz. y Bual cola frecuencia 95.4 Mghz.
ASTURIES.COM
EL TRASGU D´ARECES | 10-10-2006 04:01:15
Comentar
