Lunes, 02 de octubre de 2006
La organización aragonesa Asambleya Independentista 6 d´Otubre convoca una manifestación independentista pal próximu vienres baxo´l llema “Dengún estatuto nos ferá libres”. La manifestación saldrá de la Plaza d´España de capital aragonesa a les 20.30 y establecen el sentíu de la marcha baxo los tres puntos que vienen darréu;
Entendemos que la vía del autonomismu ye un procesu qu´anguaño ta escosáu en si mesmu. L´exemplu nidiu foi la reforma del estatutu d´autonomía d´Aragón qu´estos díes pasa pol filtru del Parlamentu foriatu español. Un procesu de reforma que nun foi sinón una especie d´opereta d´unos cuantos políticos xuntos nuna sala demientres un periodu de tiempu determináu, asitiaos al marxe de too y toos.
Creyemos que la utopía d´un Aragón Llibre ya independiente nel estáu español, que la llibertá del nuesu pueblu, nun pasa por una simple llei, sinón qu´esta consíguese y ganase nel día a día. La llibertá d´Aragón nun vendrá dada por nengún estatutu d´autonomía. Y ye que DENGUN ESTATUTO NOS FERA LIBRES.
Consideramos que ye necesario ente toes y toos entamar a construyir un movimientu d´emancipación nacional, social y de solidaridá que supere´l marcu de la partitocracia del sistema d´anguaño. Por ello camentamos qu´hai qu´entamar a xuntar voluntaes y aiciones que, respetando les peculiaridaes d´organizaciones, coleutivos y persones, vayan converxendo haza un espaciu común d´afinidá, superando´l campu d´aición de lo qu´anguaño entiéndese como LO POLITICU.
Por: eL trAsgU d´aRecEs | Otros pueblos, mesma llucha | Comentarios (0) | Referencias (0)
