eL trAsgU d´aRecEs

Martes, 10 de octubre de 2006

18 MESES DE PRISIÓN POR PARTICIPAR NUNA PROTESTA ESCONTRA LA BANDERA ESPAÑOLA

Un militante independentista gallegu pue ser condenáu a 18 meses de prisión y una multa de 560 euros por participar nunos actos de protesta escontra la izada de la bandera española. Los actos tuvieron llugar el día de la Hispanidá del añu pasáu cuando Francisco Vázquez, alcalde d´A Coruña daquella y agora embaxador del gobiernu español nel Vaticanu, colocó una bandera española de 25 metros cuadraos nel paséu marítimu coruñés pa representar, según afitó elli, la unidá d´España. Pa protestar pol actu españolista foi convocada una manifestación na que la policía actuó delles vegaes cargando escontra los manifestantes. Demientres l´actu hebo un enfrentamientu verbal ente un de los asistentes al actu d´izada de la bandera y un de los participantes na manifestación. Al final llegaron a les manes y acabaron los dos na comisaría. L´acusación pública acúsa´l militante galleguista d´atentáu escontra l´autoridá y lesiones, el movimientu independentista gallegu considera que se trata d´una estratexa de criminalización.

Por: eL trAsgU d´aRecEs | Otros pueblos, mesma llucha | Comentarios (0) | Referencias (0)