eL trAsgU d´aRecEs

Sábado, 14 de octubre de 2006

EUROVISIÓN DE LLINGÜES MINORITARIES

Dende l´añu 2002 celébrase un festival al estilu d´Eurovisión, pero con una diferencia; toles canciones del festival son en llingües minoritaries, amás de que compiten comunidaes llingüístiques, non estaos. El festival nómase Liet-Lavlut y llega esti domingu a la so cuarta edición, la primera non organizada pola comunidá Frisia, los encargaos del festival esti añu son les minoríes finlandesa y lapona en Suecia, los lapones foron los ganadores de les dos caberes ediciones y por eso esti añu´l festival ye na ciudá d´Östersund. La organización del festival ta estudiando facer próximes ediciones fuera de territoriu suecu. Anque hai un xuráu´l festival almite por primer vegada votación per internet y per SMS, anque esti sistema namás que ye válidu palos que vivan en territoriu suecu. El restu d´Europa podrá facelu a traviés d´esta web, pero namás dacuando s´abran les votaciones, de les ocho y media a les nueve de la nueche. Na edición d´esti domingu hai once participantes de comunidaes llingüístiques europees (gaélicu, eusquera, friulanu, occitanu, gallegu, sami, meankieli, meänkieli, manx, romaní y voticu) y pel momentu nengún grupu asturianu participó nel festival, si dalgún músicu s´anima´l corréu del Liet-Lavlut pa les bandes que quieran participar ye esti; liet-lavlut.international@spray.se. A ver si nel 2007 toa Europa pue oyer un cantar na nuesa llingua.

Podéis siguir el festival el domingu 15 a traviés de la web de la radio pública sueca.

Por: eL trAsgU d´aRecEs | Música | Comentarios (0) | Referencias (0)