eL trAsgU d´aRecEs

Viernes, 10 de noviembre de 2006

GRAN FINAL DE "LA CASONA DE LOS BABLISTES"

Y el ganador de “La Casona de los Bablistes”, quien va tener tol poder sobre l´idioma d´Asturies, con un 52,8 % de los votos ye;


Pablo Manzano

Y a partir d´agora elli tien tol poder, nin Ramón d´Andrés, nin David Rivas, nin Sánchez Vicente, nin Migoya, nin Ana Cano, nin Valledor, nin Palacios, nin Humberto González, nin Xuan Bello, nin siquiera Areces podrá dicir un res. Naide, namás qu´elli; Pablo Manzano. Estes son les sos primeres normes que tendrán que desendolcase a partir de mañana mesmu.

Aplicación de la normativa académica dende´l cabu Peñes hasta Badah.oz, incluyendo Cantabria y Miranda do Douro.

Construcción d´un muru (que nin el de Bush na frontera mexicana) na frontera con Galiza, incluyendo del llau ástur del muru los conceyos de Negreira de Muñíz y A Fonsagrada (de fala occidental).

Espulsión de tolos miembros (o del miembru) de l´asociación Abertal del país

Clases intensives d´asturianu y fala del occidente a tolos miembros de la FSA. A Areces, Migoya, Javier Fernández, Rabanal, Lastra y Riopedre les clases serán al vieyu estilu franquista pero al revés; como se-yos escape una pallabra en castellán una hostia y a copiar 500 vegaes “Tamos n´Asturies y n´Asturies fálase n´asturianu”

A los miembros d'IU-BA obligaráse-yos a copiar 5.000 veces “Nun cumplir les promeses ye de mentirosos”.

Proclamación de la Pita como presidenta del Principáu d´Asturies. L´Asturies, patria querida camudaráse pol “Tía Nemesia” de Dixebra.

Nueva sede de l´Academia na Xunta Xeneral ante la total inoperancia de la institución parllamentaria y el poco espaciu de l´actual sede de l´ALLA (nun puen acoyer a más miembros de númberu porque sinón nun cueyen y Ana Cano tendría que montar el so despachu nos baños de la institución).

Creación na sede del RIDEA d´un centru siquiátricu con places de baldre pa tolos miembros del Conseyu Consultivu y ex-conseyeros de cultura del Principáu.

Obligar a Gustavo Bueno a izar tolos díes l´asturina a les 6 de la mañana hasta qu´aguante, cuando esto pase ocuparáse de tal xera´l so fíu.

Obligatoriedá d´usar el traxe del país pa tola ciudadanía ástur. Amás de la espulsión de la cai Uria de Zara y Adolfo Domínguez (nidia amuesa del colonialismu gallegu) y establecer tiendes cola última moda en traxes tradicionales asturianos.

Prohibir a Ramón Lluis Bande dirixir otru mediu de comunicación.

Emisión na TPA d´un programa´l estilu de “El diario de Patricia” pa ver si son capaces d´iguar les rocees ente García Arias y Xuan Bello.

Obligar a Juan Vázquez a deprender “Potestas” de Xulio Arbesú de memoria como premiu polos sos llogros pa crear la llicenciatura de Filosofía asturiana.

A tolos miembros de la Conseyería d´Educación remanaran-yos unes condiciones llaborales iguales a les d´un profesor de llingua y lliteratura asturiana enantes del desendolcu d´estes medies.

Por: eL trAsgU d´aRecEs | La Casona de los Bablistes | Comentarios (0) | Referencias (0)