eL trAsgU d´aRecEs

Sábado, 11 de noviembre de 2006

FUELGA EN GALIZA POR UNA EDUCACIÓN EN GALLEGU

Les organizaciones de defensa de la llingua gallega Mocidade pola Normalización Lingüística, Galiza Nova y Os Comités Abertos de Estudantes convocaron una fuelga en tolos institutos de Galiza´l pasáu día 8 de payares en defensa del procesu de galleguización de la educación. Según la Mesa pola Normalización Lingüística la fuelga foi too un ésitu y foi convocada yá que según ellos la Conseyería d´Educación nun cumple la llexislación vixente ya incumple la Carta Europea de les llingües minoritaries.

Los colectivos preparen nueves movilizaciones ante la débil rempuesta d´Educación y de la Secretaría Xeneral de Política Llingüística, la cabera movilización d´estes carauterístiques fecha n´abril del 2004 cuntó col 90% de participación. P´animar a la participación fixéronse delles iniciatives como una versión del “Amo a Laura” nomada “Dillo a Laura” (Di-ylo a Laura) espardida pela blogosfera gallega. El videu ta especialmente dedicáu a la conseyera d´educación gallega Laura Sánchez Piñón.

El mesmu día de la movilización la conseyera del PSG defendió nel parllamentu gallegu tener dos llingües oficiales yá que “nun fai más qu´enriquecer y ampliar el tiempu dedicáu al enseñu-deprendimientu del área de llingua” (anguaño ocho hores, cuatro pa llingua y lliteratura gallega y cuatro pa llingua y lliteratura española). Laura Sánchez respondió asina´l PP-G que criticó la reducción del castellán nes escueles gallegues. A ver si vemos nos dalgún día a Riopedre defendiendo tener dos llingües oficiales na educación, recordavos qu´Asturies ye la comunidá onde más hores de castellán s´estudien.

Por: eL trAsgU d´aRecEs | Otros pueblos, mesma llucha | Comentarios (0) | Referencias (0)