Acerca de
Búsqueda
Categorías
Archivos
Sindicación
Créditos
Diseñado por Studio.st
Online gracias a Bitacoras.com
Martes, 14 de noviembre de 2006
LA RAE "CÁSASE" COLA ILESIA
La Real Academia de la llingua española paez que nun ta por modernizase, o por respetar polo menos los drechos d´una parte de la ciudadanía. Si nun foron poques les ocasiones nes que la nuesa llingua yera marxinada nos alcuentros organizaos pola RAE (nos que si participaben les instituciones llingüístiques de los otros idiomes del estáu, menos l´ALLA) o tamién podemos falar de la escasa presencia de muyeres na institución llingüística española. Pues agora la RAE diz que´l matrimoniu ye ente un home y una muyer, asina queda afitáu nel "Diccionario esencial de la lengua española” que se presento ayeri fruto del trabayu de toles academies hispanes. Un matrimoniu ye la unión ente dos persones, cualesquiera que seya´l so sexu, sobre manera nún estáu onde´l matrimoniu gay ye llegal yera d´entender que la RAE camudara´l significáu de la pallabra, pero paez que-y presta más esa definición facista, intolerante y anticuada. Nun sé como define el “Diccionariu Xeneral de la llingua asturiana” matrimoniu, pero esperemos que d´un xeitu más respetuoso con toles PERSONES, cualesquiera que seya la so condición.
Por: eL trAsgU d´aRecEs | Opinión | Comentarios (2) | Referencias (0)
Comentarios
Utilizar la palabra facista pa calificar cualquier babaya que nos paeza antidemocrática lo único que fai ye descafeinar el verdaderu significáu de la palabra. Qu'una definición d'un diccionariu nun concuerde cola realidá social nun nos lleva a una dictadura na que la cárcel, la tortura, la muerte, la negación de llibertaes d'espresión y reunión, la educación nel fanatismu, etc, seyan la moneda corriente. Los que de verdá padecieron los rigores del facismu quedaríen ablucaos col usu que fais de la palabra, porque pa ellos el facismu ye otra cosa.
zato-ino | 16-11-2006 08:22:13
Anque entovía-y falta al diccionariu de l'ALlA meyorar ciertes definiciones entovía anclaes na visión machista, nesti casu vamos un pasu más p'alantre que'l de la RAE. Según el diccionariu de l'ALlA:
matrimoniu, el: sust. Pautu o contratu [llegal o relixosu ente dos persones pa vivir xuntos]. 2 Sacramentu [col que la Ilesia acepta la xuntura de dos persones]. 3 Pareya, conxuntu de dos persones que tán casaes.
casoriu, el: sust. fam. Aición y efeutu de casar [dos persones]. 2 Ceremonia [civil o relixosa na que dos persones s'aunen en matrimoniu]. 3 Fiesta [pa celebrar una boda]. 4 Edificiu [vieyu y esgorrotáu].
Per otru llau, nun tenemos qu'escaecer qu'un diccionariu lo que fai ye recoyer l'usu que-y dan los falantes de la llingua. Que la quinta acepción de «gallego» nel diccionariu de la RAE seya «adj. C. Rica. tonto (// falto de entendimiento o razón)» nun quier dicir qu'empobine a que lo usemos asina, sinón qu'hai falantes en C. Rica que-y dan esi significáu. Podemos nun ponelo, pero eso sería negar y obviar una realidá nel usu. Supongo que daqué asina pasa con «matrimoniu». Gústenos o non, hai xente que lo usa con esi significáu retrógradu (toi con zato-ino, lo de «fascista» meyor pa otres coses), recordemos que la derecha d'España ye la que fala de matrimoniu namás ente homes y muyeres, y ellos son cuasi la mitá d'España, entós, ye normal que'l significáu entovía apaeza asina. Los diccionarios nun son fechos pa correxir nin empobinar al falante, ye dicir, el diccionariu recueye lo que se fala (ye primero la fala que'l diccionariu, non al revés).
La esfoyaza | 17-11-2006 22:16:16
Comentar
