eL trAsgU d´aRecEs

Lunes, 20 de noviembre de 2006

EXPOLINGUA 2006 TIEN COMO CONVIDÁU D´HONOR AL ESTÁU ESPAÑOL PERO MARXINA L´ASTURIANU

Expolingua ye una feria internacional de llingües y cultures que se celebró na ciudá de Berlín esti fin de selmana. Esti añu los organizadores decidieron tener como invitáu d'honor al estáu español, lo que significa da-y especial relevancia a les llingües falaes en España, pero la condición de non oficialidá de l´asturianu, tamién del aragonés, fizo que la nuesa llingua fora marxinada. En Expolingua 2006 hebo un stand conxuntu del Institutu Cervantes, del Institut Ramón Llull y del Gobiernu vascu y gallegu. Demientres tres díes fixéronse cursos de les distintes llingües, alderiques sobre la situación d´estes y toles publicaciones utilizaron los cuatro idiomes oficiales del estáu, pero l´asturianu foi marxináu otra vegada pola falta d´oficialidá, ¿cuantes vegaes van yá?.

Por: eL trAsgU d´aRecEs | LLINGUA | Comentarios (0) | Referencias (0)