eL trAsgU d´aRecEs

Jueves, 30 de noviembre de 2006

El plenu del Conceyu de Villaviciosa pide que se reconoza la oficialidá del asturianu na reforma del estatutu

EL PSOE ABSTÚVOSE Y PP Y URAS VOTARON A FAVOR

El plenu del Conceyu de Villaviciosa aprobó ayeri l'unviu d'una solicitú a la Xunta Xeneral del Principáu qu'incluya la cooficialiá del asturianu na próxima reforma del estatutu d'autonomía. La moción de petición presentárela'l conceyal d'Unión Renovadora Asturiana Xicu Xabel Díaz Yepes, conocíu militante históricu del nacionalismu asturianu dende los primeros años 80 y anguaño conceyal en Villaviciosa pola Unión Renovadora Asturiana.

La moción fai un llamáu a toles fuerces polítiques representaes na Xunta Xeneral del Principáu a abrir un marcu de debate constructivu pa facilitar el consensu sobre la lingua asturiana na reforma del Estatutu d'Autonomía al traviés de "un debate constructivu, democráticu y abiertu a los estremaos sectores sociales" que permita llegar a "un marcu llegal afayadizu pa la llingua" faciendo una reivindicación expresa de la cooficialidá "atendiendo a la realidá llingüística" d'Asturies "dende una concepción autóctona y progresista".

La moción de Díaz Yepes tuvo'l preste del PP, que gobierna con mayoría absoluta, mientres que'l PSOE, con declarar que taba d'alcuerdu nel fondu de la cuestión, decidió abstenese na votación d'un testu qu'especifica la necesidá de "debatir sobre l'asturianu basándose na realidá de la llingua y na non obligatoriedá". La moción recueye tamién el respetu a los asturfalantes del conceyu y el so derechu a mandase n'asturianu énte'l conceyu.

ASTURIES.COM (30/11/2006)

Por: eL trAsgU d´aRecEs | LLINGUA | Comentarios (0) | Referencias (0)