eL trAsgU d´aRecEs

Martes, 05 de diciembre de 2006

VOLUNTARIÁU D´ACTIVACIÓN LLINGÜÍSTICA

En Galiza a entamos del añu que vien entama´l “Voluntariado de Activación Lingüística”, que vien a ser un garrapiellu de xente con un bon dominiu de gallegu qu´actuen como profesor personal pa toes aquelles persones que quieren deprender o meyorar el so conocimientu de llingua gallega. La pionera iniciativa cunta col sofitu del Conceyu de Compostela, la Direición Xeneral de Mocedá de la Xunta y la Mesa pola Normalización Lingüística. Pel momentu´l “voluntariáu” namás que va actuar na capital gallega pero cunten con espardelu per tol país vecín.

Pa formar parte del profesoráu personalizáu hai que tener un dominiu avanzáu del gallegu y ganes de compartilu, los voluntarios tienen que comprometese a compartir polo menos 20 hores d´intercambiu llingüísticu. La iniciativa va especialmente dirixida a los estudiantes universitarios foriatos qu´estudien nos campus gallegos y al importante númberu d´inmigrantes llegaos a Galiza nos caberos años. Na páxina web www.valingua.org podéis topar más información sobre esti tema.

Por: eL trAsgU d´aRecEs | Mundu | Comentarios (0) | Referencias (0)