eL trAsgU d´aRecEs

Martes, 12 de diciembre de 2006

CERTAME DE RELLATOS CURTIOS "XAIME ANDRÉS"

L´Asociación Gastronómica Región Leonesa, que dende 2005 trabaya pol conocimientu y la difusión de los productos tradicionales del país llionés, convoca´l primer Certame de rellatos curtios en llingua asturllionesa “Xaime Andrés”. Los cuentos tienen que tratar sobre la gastronomía llionesa y nun tener más de 15 fueyes, dixebraes en llinies a dos espacios per una cara. El trabayu ganador recibirá 600 euros, demientres que´l segundu premiu ye de 250 y el terceru de 150. L´asociación quier asoleyar los rellatos premiaos y los que llogren el preste del xuráu pol so interés.

Les obres deben enviase por corréu certificáu al Certame de rellatos curtios en llingua asturllionesa sobre gastronomía llionesa (apartáu 450, C.P. 24080, Llión), enantes del próximu 25 de xineru del 2007 nún sobre ensin remite, col orixinal y cuatro copies. Dientro del sobre deberá dir otru, peslláu, cola direición de quien concursa. El xuráu tará formáu por cinco persones, vinculaes a la cultura y la llingua vernácules de Llión, escoyies pola asociación.

Por: eL trAsgU d´aRecEs | Ástures | Comentarios (1) | Referencias (0)