eL trAsgU d´aRecEs

Martes, 12 de diciembre de 2006

FALA CEIBE DENUNCIA LA "XERARQUIZACIÓN LLINGÜÍSTICA" NEL NUEVU ESTATUTU CASTIELLANO-LLIONÉS

L´asociación gallegista berciana “Fala Ceibe” denuncia que´l nuevu estatutu d´autonomía de Llión nun recueye´l mesmu articuláu pa falar de la llingua gallega que pa falar del asturllionés. Demientres que l´artículu que recueyi la proteición pal asturllionés per primer vegada fala del idioma pol so nome y non como “modalidaes llingüístiques” (anque nun lu califica nin como llingua, nin como dialeutu), diz que “el llionés será oxetu de proteición específica por parte de les instituciones pol so particular valir dientro del patrimoniu llingüístico de la comunidá. La so proteición, usu y proteición será oxetu de regulación" (artículu 5.2)”. L´artículu que fala del gallegu y que nun camudo un res cola reforma estatutaria esplicita que “gozarán de respetu y proteición la llingua gallega nos llugares nos que s´utulice davezu (artículu 5.3)”.

Que´l llionés pueda ser reguláu a traviés d´una llei y que´l gallegu non, que dende fai años ye utilizáu pola alministración comarcal del Bierzu y ye enseñáu nes escueles con calter voluntariu, ye lu que molesta enforma a los galleguistes. Fala Ceibe quier el mesmu articuláu pal gallegu que pal llionés y “amenacen” con llogralu nel Congresu de los Diputaos cuando l´estatutu entame cola so tramitación parlamentaria. Asina foi como nel añu 98 los parlamentarios españoles reconocieron el gallegu y la so proteición nel estatutu, cuando salió de les Cortes de Castiella y Llión falando de proteición pa les modalidaes llingüístiques falaes na comunidá. Fala Ceibe quier entamar a falar colos grupos políticos con representación nel Congresu pa desplicái la so versión de la realidá llingüística de la comunidá castiellano-llionesa “pa evitar la xerarquización ente los idiomes de la Comunidá Autónoma y cualesquiera discriminación llingüística”. Sicasí afiten que´l fin últimu ye la oficialidá del gallegu onde se fale, nun dicen lu mesmu del asturlliones, que nin ye nomáu como llingua nel estatutu, nin se sabe cuando será desendolcada la so proteición a traviés d´una llei o hasta onde va algamar esa proteición.

Por: eL trAsgU d´aRecEs | Gallegaes | Comentarios (1) | Referencias (0)