Acerca de
Búsqueda
Categorías
Archivos
Sindicación
Créditos
Diseñado por Studio.st
Online gracias a Bitacoras.com
Jueves, 21 de diciembre de 2006
“DIEZCÁLOGU” DE LA TPA
Una de les seiciones del peor programa de la TPA (fai falta dicir el so nome?) ye´l “Diezcálogo”, onde un madrilanu que se cree con gracia fai una llista con diez puntos sobre un tema, supónse que cola intención de facer risión d´esi tema. Ayeri mesmu fizo un añu del entamu de les emisiones en prebes de la TPA, dempués de 365 díes con esta llacedia asitiada nún númberu del mandu a distancia que meyor momentu pa facer un “Diezcálogu” colos diez motivos (daría pa venti, trenta o cien, pero vamos dexalu en diez) polos que la TPA ye una vergoña pa tolos asturianos que nos vemos obligaos a pagala.
- Por nun emitir un solu programa na llingua del país, tando mui per baxu de los peores presaxos ya incumpliendo tola llegalidá vixente.
- Por nun cuntar pa nada coles productores asturianes y encargar la producción propia a empreses madrilanes.
- Por fichar a presentadores madrilanos en paru que nun saben un res sobre Asturies.
- Por nun tener dengún programa sobre cultura tradicional asturiana, anque seya una televisión que depende d´una conseyería que diz ser de cultura.
- Por externalizar tola produición propia y gran parte de los reportaxes que vemos nos informativos.
- Por facer debates cuyos temes tienen la mesma importancia social que´l debate de “Gran Hermano”.
- Por nun tener dengún programa onde la música, nin asturiana nin foriata, seya la protagonista.
- Por ser la televisión del estáu con memos audiencia, superada pola televisión murciana qu´emite cuatro hores al día en periodu de prebes.
- Por prometer una televisión barata demientres los sos directivos y conseyeros cobren millonaes por xuntase una vegada cada muncho.
- Por emitir series americanes que fai diez años yá taben pasaes de moda y series españoles que dan pena pola so baxa calidá y la so falta d´intelixencia.
ACTUALIZACIÓN;
Sacáu del Comercio;
En breve, también según anunció Ornia, se incorporarán a la parrilla «nuevos programas de servicio público, algunos en colaboración con diferentes consejerías, y una serie de programas EN Y SOBRE lengua asturiana, en colaboración con la Dirección General de Política Llinguistica, de la Consejería de Cultura».
Asina que dientro poco vamos poder ver microespacios pa deprender asturianu patrocinaos por Ramón d´Ándrés, eso si ye normalización...)
Sacáu d´Asturies.com;
Areces afirma que la TV autonómica “promueve la llingua asturiana” (con 0 % de programes n´asturianu???) y que “batió rexistros d’audiencia” (col 2 % de share???).
Una entruga; ¿Areces allorió y diz lu que diz porque piensa que ye asina o direutamente piensa que los asturianos somos unos fatos y que vamos creer les sos pallabres que naide minimamente informáu pue dar por buenes?
Por: eL trAsgU d´aRecEs | TeleTini | Comentarios (2) | Referencias (0)
Comentarios
Areces afirma que la TV autonómica “promueve la llingua asturiana” y que “batió rexistros d’audiencia”
LA TPA CUMPLE UN AÑU DENDE LA SO PRIMER EMISIÓN EN PREBES
22/12/2006 El presidente asturianu asistió ayeri a la presentación del Sistema Integráu Multimedia de Radiotelevisión del Ente Públicu de Comunicación, matriz de la canal autonómica de TV. Nel actu, que se celebró 12 meses dempués de la primer emisión en prebes de la RTPA, el xefe del executivu asturianu defendió'l calter del Ente como una iniciativa "plenamente asturiana, con vocación de serviciu públicu y integrada dafechu na sociedá". P'Areces, la RTPA ye "una ferramienta válida pa vertebrar Asturies y francer cola idea d'una Comunidá Autónoma con velocidaes distintes".
El Presidente asturianu defendió que la TV autonómica cuenta con "unos niveles d'aceptación social mui elevaos" y, contra los datos apurríos por Sofres que-y dan a l'autonómica asturiana audiencies medies pa estos últimos díes na banda del 1,7 al 3,5%, Areces aseguró que los productos televisivos de la TPA "batieron rexistros d'audiencia incluso estatales" emponderando especialmente a "unos informativos que cada día crecen más en públicu". El Presidente definió la programación de la TPA como "con conteníos pa tolos gustos" y aseguró que l'autonómica, que namás tien dellos programes n'asturianu na so emisora de radio, tando la llingua cuasimente ausente nes emisiones de TV, "promueve l'usu y la difusión de la llingua asturiana", negándo-y asina la mayor a la crítica de bien d'organizaciones asturianistes que lleven protagonizando campañes y actos contra la probe presencia del asturianu n'autonómica dende'l mesmu entamu del proyectu del Ente.
L'asturianidá de la TPA garra p'Areces otra dimensión más en cuantes que "más del 84% de lo que s'emite refierse a Asturies y más del 64% faise en directo, ensin rodeos o arreglos". El presidente nun aforró n'allabancies a la independencia y oxetividá del mediu, afirmando que "los que nun creyeron nesti proyectu, que, por cierto, tamién salen a diariu nes sos imáxenes, saben que la pluralidá ye un valor d'esta cadena".
Nel so discursu, Areces tamién fizo referencia a que "col presupuestu más austeru de toles televisiones autonómiques armose un proyectu que xenera empléu estable y de calidá" y con una plantiya "con capacidá pa competir nos mercaos audiovisuales más esixentes del mundu".
Nun ye posible tener reacciones inmediates a les palabres d'Areces de los sos socios de Gobiernu, en cuantes que'l Conseyeru de Xusticia, Javier Valledor, que taba convidáu a participar nel mesmu actu de la TPA, emitió una nota de prensa refugando'l convite. La nota afirma qu'asina'l conseyeru quier "espresar la so distancia y la de la so fuerza política col actual modelu de televisión pública que desarrollen los xestores de la mesma". "Son conocíes les mios fondes diferencies coles actitúes y los criterios que tán impulsando nel Ente Públicu de Comunicación los sos directivos" esplicó Valledor que, de cualquier manera, emponderó'l llabor de los profesionales de la RTPA "pol gran llabor que lleven alantre".
el trasgu d´Areces | 22-12-2006 10:48:00
la ausencia
VALLEDOR RECHAZA LA GESTION DEL ENTE
22/12/2006
El consejero de Justicia, Seguridad Pública y Relaciones Exteriores, Francisco Javier García Valledor, declinó participar en la presentación del Sistema Integrado Multimedia de la Radio Televisión del Principado de Asturias, que tendrá lugar en Gijón. El motivo? Según dijo, "su distancia y la de su fuerza política" con el actual modelo televisión pública que los actuales gestores están desarrollando. "Son conocidas mis profundas diferencias con las actitudes y los criterios que están impulsando en el Ente Público de Comunicación sus actuales directivos, y esas diferencias a día de hoy se mantienen". Areces, por su parte, dijo que "los que no han creído en este proyecto saben que la pluralidad es un valor en la oferta de la cadena".
el trasgu d´Areces | 22-12-2006 11:42:09
Comentar
